Hamiləlik dövründə və ondan sonra kosmetikadan istifadə

Hamiləlik dövründə və ondan sonra kosmetikadan istifadə
Hamiləlik
10.09.2017 14
Hamiləlik sizə qeyri-adi parlaqlıq verə bilər və eyni zamanda, xoşagəlməz sürprizlər də gətirə bilər. Əgər üzünüzdə ləkələr əmələ gəlmiş, çivzələr yaranmışdırsa, dəriniz daha quru və ya yağlı olursa, bununla barışmaq lazım deyil. Hər səhər yüngül makiyaj üçün vaxt ayırın.  Hətta özünüzü yaxşı hiss etməsəniz də, qarnınız «aşağı dartırsa» və ya işə gecikirsinizsə də, fərasətlə etdiyiniz makiyaja sərf olunmuş vaxt bütün gün ərzində əhvalınızı yaxşı saxlayacaq.



Baxışlarınızı canlandırın.

Gözlərinizin altında yuxusuzluşdan yaranmış  şişkinlik və qara dairələri azaltmağa gözətrafı hopdurucu kremlər yaxşı təsir göstərə bilər: bunu sizin adi nəmləndirici kreminizdən əvvəl çəkmək lazımdır. Sonra barmaqlarınızın ucu və ya fırça ilə konsiler və ya korrektor çəkin. Onda gözləriniz yuxusuz görünməyəcək və onlarda parıltı yaranacaq.



«Hamilələrin parıltısı»  krem tübikində

Hamilə olarkən makiyajın altından qalın əsaslı krem çəkməyə dəyməz.  Bu dövrdə ifraz olunan hormonlar çox zaman dərini daha həssas və səpkilərə meyilli edir, buna görə də  ona nəfəs almağa imkan verir.

Əgər sizi hiperpiqmentasiya narahat edirsə,  üzünüzdə qara ləkələr artmışdırsa, buna tonlaşdırılmış nəmləndirici krem kömək edəcək. Belə krem dəridəki istənilən keçici  dəyişiklikləri,  üzün rəngini  çox gözəl hamarlayır, heç bir əlavə vasitələrə ehtiyac qalmır.

Perfektorlar (VV  kremlər) və rəngi korreksiya edən kremlər (SS kremlər) çoxfunksiyalı kosmetik vasitələrdir, bunlar dərinin rəngini dərhal yaxşılaşdıraraq  ona arzu olunan «sağlam görkəm» verir. Bunlar dəridəki qüsurları hamarlayır və dəridə görünən qalın qat yaratmır. Bunların əksəriyyətinin tərkibində  həmçinin ən azı  günəşdən qoruyucu15 faktor (SPF)  var.



Dərhal indi sağlam yanaqlar

Bu dövrdə ən yaxşı kosmetika  ənlikdir. Makiyajın bu elementi sizin üzünüzü daha təravətli, gözlərinizi daha parlaq göstərəcək, ətrafdakılar elə biləcək ki, doyunca yatmısınız.

Özünüz üçün krem-ənlik və ya yanaqlarınız üçün duru piqment seçin, bunlardan «tez makiyaj» edərkən dodaq parıltısı kimi də istifadə etmək olar. Bu, üzü dərhal təravətləndirir, dəri sağlam görkəm alır. Belə ənliklər bilavasitə dəriyə,  ya da irəlicədən çəkilmiş VV-kremi və ya tonlaşdırılmış nəmləndirici krem üzərindən çəkilir.



Günəşdən qaralma gözəlləşdirir

Yorğun gözlərdən diqqəti yayındırmaq üçün avtozaqar vasitələri yararlıdır. Nazik qatla çəkilmiş yüngül avtozaqar  kremi, sprey və ya gel ən solğun üzü də canlandıracaq.

Böyük yumşaq fırça ilə avtozaqar vasitəsini almacıq sümüklərinə çəkin, bundan bir qədər az qatla alnınıza və çənənizə, daha az isə burnunuza çəkin.



Baxışları «açırıq»

Göz karandaşı ilə göz qapaqlarının yuxarı kənarı ilə gözlərin ətrafına çəkilmiş yüngül kontur gözləri vurğulamağa kömək edəcək. Suyadavamlı  qara tuş kirpikləri uzadacaq, onları yüngül və dolu göstərəcək və gözlərə ifadəlilik verəcək.



Dodaqları vurğulayırıq

Heç bir şey qadını yeni parlaq pomada kimi dəyişmir. Uğurla seçilmiş pomada tonu üzü dərhal canlandırır. Elə bir çalar seçin ki, o sizin cizgilərinizi və üzünüzün təbii rəngini uğurla vurğulasın. Adətən,  dodaqların təbii rəngindən bir-iki ton tünd rəng seçməyi məsləhət görürlər.

Əgər siz «təbii» makiyajı xoşlayırsınızsa, onda sizin təbii gözəlliyinizi  çox da parlaq olmayan dodaq parıltısı vurğulayacaq; onu  güzgüsüz də çəkmək olar.



Üz  üçün toniklər

Üzü tez təravətləndirmək üçün  ətirləndirilməmiş sprey-tonikdən istifadə etmək olar. Bu, şişkinliyi çıxarır,   həssas dərini sakitləşdirir və makiyajı təzələyir. Gözlərinizi yumun və üzünüzdən 25 sm aralıdan tutaraq bir neçə dəfə basmaqla onu üzünüzə səpələyin.скачать dle 11.3


Загрузка...
Facebook Şərhləri
BİRQADIN Şərhləri (0)
ŞƏRH YAZ
ŞƏRHİNİZ SİZİN SİMANIZI TƏMSİL EDİR. ÖZÜNÜZƏ LAYİQ OLUN!