Aşiq Olmuşam

Aşiq Olmuşam
Sevgi Dünyası
10.09.2017 14
Yaşımın məhəbbət duyan çağında

Vurulmuşam sənə, aşiq olmuşam.

O gündən gəzirəm sevgi bağında,

Dinclik yoxdur mənə, aşiq olmuşam.

 

Haraya baxıram göz önümdə sən,

Gecəli-gündüzlü ürəyimdəsən.

Eşqinlə yüz deyil min il də desən

Yaşayaram yenə, aşiq olmuşam.

 

Sənsiz həyatım da boş bir xəyaldır-

Bu necə sevgidir, bu necə haldır?!

Naz ilə dediyin hər sözün baldır,

Şirin sözlərinə aşiq olmuşam.

 

Qaşların qıvrılıb məni çalsa da,

Baxışın qəlbimi oda salsa da,

Məni öldürən gözlərin olsa da,

Qara gözlərinə aşiq olmuşam.скачать dle 11.3


Загрузка...
Facebook Şərhləri
BİRQADIN Şərhləri (0)
ŞƏRH YAZ
ŞƏRHİNİZ SİZİN SİMANIZI TƏMSİL EDİR. ÖZÜNÜZƏ LAYİQ OLUN!