Onu sevməyə məhkumam

Onu sevməyə məhkumam
Sevgi Dünyası
10.09.2017 17
Hər birimiz seçdiyimiz insanı deyil, onun həqiqi simasını deyil  onu görmək istədiyimiz simasında sevirik.

Bu gün Londonda bir qız öz istəklisi ilə sevişərkən dünyasını dəyişib. İstintaq zamanı müəyyən olunub ki, ölüm səbəbi skarfinq ilə məşğul olan bu iki insanın psixiki nasaz olmalarıdır. Skarfinq çox təhlükəli seksual tələbatın ödənilməsi yolu olub boğuntu vasitəsilə həyata keçirilir. Bu yol sayıqlamadan və təqibedici ideyalardan əziyyət çəkən bir çox insanların ölümünə səbəb olub.

Qəribə ölüm, qəribə münasibətlərdir. Amerikada və ya Avropada yaşayan insanlara həddindən aşırı hərəkət azadlığı verilməyibmi? Rusiyada da eyni bir vəziyyətdir. Bəzən insana elə gəlir ki, insanların dini inanclar və ya milli dəyərlər əsasında böyüdüyü Azərbaycan və bir neçə digər ölkədən başqa çox nadir yerlərdə yazılmamış ailə qanunları öz qüvvəsini saxlayıb. Bəlkə də problem məhz tərbiyə sistemindədir, amma insan davranışının əksər hissəsi onun həyata olan baxış prizmasından asılıdır.



Qadın ərdə olduğu halda onu xəyanətə nə sövq edə bilər? Sevgi olmadan bağlanmış nigah. Bu, ən böyük səbəbdir, çünki sevdiyin kişidən ala biləcəyin emosiyaları, heç bir zaman sevmədiyin, yad kişidən ala bilməzsən. Situasiya həmin qadını onu sevdiyi kişidən ayırdıqları zaman daha da gərginləşərək kəskin hal alır.



Sevgi müqəddəsdir. Heç kəsin bu saf və məsum hisslərə qarışmağa ixtiyarı yoxdur, amma əgər sevgi mövcuddursa, şər də mövcuddur, həqiqətə qarşı çıxacaq yalan hər zaman vardır. Heç kəs sevgini təhqir etməyib, insanlar sadəcə bu sözü həddindən artıq çirkinləşdiriblər. Sevgi- yalnız o zaman öz adını daşımağa layiq ola bilər ki, iki insan onun uğrunda sona qədər mübarizə aparsın. Son nəfəsinə qədər ondan imtina etməsin. Taledir, alınmadı, bacara bilmədik anlayışları isə yoxdur. Əgər siz bu sözləri dilinizə gətirirsinizsə, deməli heç bir zaman sevməmişsiniz. Ona görə də sizin məğlubiyyətiniz yalnız öz günahınızdır, taleyi suçlamağa isə heç bir gərək yoxdur.

 

Sevgi - bəxş etməkdir, sevgi - düşünmədən sevdiyinə doğru addımlamaqdır,sevgi-qürurunu tapdalamaqdır, sevgi- onunla nəfəs alıb onsuz həyata yox deməkdir, sevgi - səni sənin qədər sevmədiyini bilərəkdən onu özündən belə çox sevməkdir,sevgi - onun sənə arxa çevirdiyində çiyinlərindən qucaqlamaqdır...

Sevgiyə inanan, sevdiyi insana görə hər şeyini qurban verməyə hazır olan saf qızdan daha heç nə qalmamışdı, çünki o artıq anlayırdı ki... "Sevgi yoxdur, sevgi illuziyadır, sevgi ehtirasdır, sevgi tənhalığın ağır yükündən qurtulmaq üçün bir çıxış yoludur."



Seks, pul, maşın hər şey tükənir,

Önəmsiz duyğular baş alıb gedir.

Bir gecə sevişib, səhər ayrılır,

Dünən dost olanı bu gün tanımır...

Etibar etdiyi ya da sevdiyi,

Bir dostu, qadını... Həmdəmi yoxdur,

Bu anlamsız süjetin bir mənası var:

"Həyata satılan fahişə çoxdur."скачать dle 11.3


Загрузка...
Facebook Şərhləri
BİRQADIN Şərhləri (0)
ŞƏRH YAZ
ŞƏRHİNİZ SİZİN SİMANIZI TƏMSİL EDİR. ÖZÜNÜZƏ LAYİQ OLUN!