Zəngin bir ürəyin sahibiyəm mən

Zəngin bir ürəyin sahibiyəm mən
Sevgi Dünyası
10.09.2017 30
Zəngin bir ürəyin sahibiyəm mən,
 -mücərrəd varlıqla kifayətlənən.
 Yox olan hər şeyin xəstəsiyəm mən,
 -var olan heç nəyi görə bilməyən.
 
 Zamanın iziylə axıb gedirəm,
 -arxaya baxmayıb axanlar kimi
 Zamandan çox aman gözləyirəm mən,
 -möcüzə yolunda qalanlar kimi.
 
 Qədərim var deyib gözləmirəm mən,
 -taleyi əlində saxlayanlartək.
 Bilirəm əməllə fərqlənəcəyəm,
 -yaxşıya çatmağa tələsənlərtək.
 
 Xəyallar quraraq yaşayıram mən,
 -həyatı xəyalda yaşayanlartək.
 Heç kəsdən zərrəcə zəif deyiləm,
 -qüvvəsi qəlbində gizlənənlər tək.
 
 Sevgini gizlincə yaşayıram mən,
 -hissini heç kəsə bildirməyəntək.
 Paylaşıb tükətmək istəmirəm mən,
 -paylaşmaq qorxusu keçirənlərtək.
 
 Dünyadan bir məna axtarıram mən
 -əbədi dünyanı sevənlər kimi.
 Axtarsam, yenə də tapa bilmirəm,
 -arzusu çox böyük olanlar kimi.
 
 Zəngin bir ürəyin sahibiyəm mən,
 -mücərrəd varlıqla kifayətlənən.
 Yox olan hər şeyin xəstəsiyəm mən,
 -var olan heç nəyi görə bilməyən.скачать dle 11.3


Загрузка...
Facebook Şərhləri
BİRQADIN Şərhləri (0)
ŞƏRH YAZ
ŞƏRHİNİZ SİZİN SİMANIZI TƏMSİL EDİR. ÖZÜNÜZƏ LAYİQ OLUN!