Sənsiz qalacağam deməyə gəlmir dilim!

Sənsiz qalacağam deməyə gəlmir dilim!
Sevgi Dünyası
10.09.2017 9
Əgər istəsən...

Bir gün qaranlıq gecə səni darıxdırsa ,işıq istəsən gözümün işığını
istə, verərəm! Mən ki, sənsiz heç nə görmürəm. Bəlkə kor olduğumu ondan
sonra biləm.

Xatirələr olar əl ağacım, əgər istəsən...



Yalqızlıq bir gün səni üşütsə, qorxma, ürəyimi istə. Verərəm
ürəyimi oduyla, atəşiylə. Soyuyaram, payız yarpağı kimi quruyaram,
ümidsiz-ümidsiz əsərəm. 

Bəlkə onda yalqızlığımla barışam.... 



Bir gün sakit həyatından yorulub sevinc, gülüş istəsən-dayanmaram,
yanına uçaram qanadlı quş kimi. Dodaqlarına tapşıraram bir ömrümün
şəlalə sevincini. Sonra sakit axan çay kimi susaram. Kədər külək kimi
qanadlarımı sındırsa da nə qəm, sən ki sevincimlə qəm bilmirsən. Bu mənə
bəsdir...



Məhəbbət bağçasında bülbülü eşitmək istəsən, tələsmə. Ürəyimdə
məhəbbətimin yanıqlı laylası var. Dodaqlarımda həzin-həzin səsi var.
Bülbül eşitsə ağlayar. Sənə bağişlayaram məhəbbətimin səsini.

Bəlkə onda lal ollam, kədərli mahnılar oxumağı unudaram...



Bir gün insafa gəlsən məndən xatirə istə.Sənsiz keçən günlərimi
kitab kimi vərəqləsən halıma yanarsan.Bir gün öz ədalət taxtına çıxıb
məni həqiqət kimi çağırarsan.Bir insaflı günündə məni həyata
qaytararsan, qüdrətinə inandırarsan, əgər istəsən...



Məndən həyatımı istə, sənindir. Yol ayrıcında tələsib dəsmal istəmə, onsuz da nəmdir. Mənə ölüm dilə ,ayrılmaq demə...

Bir gün mənsiz qalacaqsan.Sənsiz qalacağam deməyə gəlmir dilim!скачать dle 11.3


Загрузка...
Facebook Şərhləri
BİRQADIN Şərhləri (0)
ŞƏRH YAZ
ŞƏRHİNİZ SİZİN SİMANIZI TƏMSİL EDİR. ÖZÜNÜZƏ LAYİQ OLUN!