MƏN SEVGİYƏ SUSAYARKƏN...

MƏN SEVGİYƏ SUSAYARKƏN...
Sevgi Dünyası
10.09.2017 10



 
Uzun yolçuluqdan gəlirəm,

yəni ömrüm yollarda keçdi.

Ömrüm özü də bir yoldu deyə

sığınıb bir sevgiyə

adımbaaddım ölçdüm

bu yolları..

Bəlkə də yolları deyil

yollarla ömrümü,

sənəcən olan

sevgimin böyüklüyünü ölçdüm,

kim bilir…



Mən sevgiyə susayarkən

yolları içdim,

Yollar mənə susayarkən

ömrümü…



Beləcə yorulduq;

yorulduqca durulduq.

durulduqca daha da vurulduq-

sevgilərin böyüklüyünə-

çiyin-çiyinə

bu yollarla…



İnanmasalar belə

çəkinmədən, qorxmadan

İnandım Tanrının həm də

bir uzun,

bir sonsuz yol olduğuğuna…



İndi

uzaqdan

çıxmaq istədiyin

bir uzun yol kimi görünürəm sənə

mən də.

Qorxudur səni bu yolçuluq

Və bu uzun yol.

Ama fərqində deyilsən

ayaqların altından keçən

Bu yolun bir ucunun hələ də…



***



Otağımda sakitləşdiricilərin iyrənc qoxusu,

başımda ağlımı itirmək qorxusu.

Masanın üstündəki kirli qablar kimidi həyatım,

bir qadın əli kimi uzaqdı mənə bu dünya indilərdə.

İndilərdə sənə daha çox bənzəyir yoxluğun,

"Daha çox mənə bənzəyir sənsizliyim.”

İndilərdə damla-damla əriyir kipriklərimdə

ayrılıqların daşlaşmış yuxusu.

Və bu aralarda səni yamsılayır neçə-neçə qəm.

Və mən

Divara dikilmiş gözlərimlə pıçıldayıram şəklinə:

- Qayıdarkən mənə sevgi gətirərmisən, "mem”?!.



***



Silkələnir

sahildə qumdan hördüyümüz evcik…

Bir qağayı cığırtısına

qabarır sinəsi dənizin…

Suların üzərinə hopmuş Gün işığı

üfüqlərə qovuşan yeganə cığır…

Ha bağır, ha çığır,

dalğaların səsində boğulur

bir sevdaya can atan iki səs…

Oysa çox uzaq,

əllərimizi uzatsaq belə

barmaqlarımızın ucu toxunmayacaq

qədər uzaq…

Və budur,

çökür hördüyümüz evcik,

qaçır ayağımız altından yer-

bir sevgiyə.

Hə, dostum,

yıxılmayasan deyə

yapış,

möhkəmcə yapış

kürəyimə saplanan bıçaq dəstəyindən-

məni yıxılmağa qoyma nə olur…скачать dle 11.3


Загрузка...
Facebook Şərhləri
BİRQADIN Şərhləri (0)
ŞƏRH YAZ
ŞƏRHİNİZ SİZİN SİMANIZI TƏMSİL EDİR. ÖZÜNÜZƏ LAYİQ OLUN!