Bürclər avqust ayında nə vəd edir?

Bürclər avqust ayında nə vəd edir?
Bürclər, Qoroskop
10.09.2017 24
Qoç

Bu ay siz ürəkli məzuniyyətə çıxa bilərsiniz. İşgüzar səfərlər məsləhət görülmür, çünki yaxşılığınızı istəməyən tanışlarınız sizə tələ qura bilər. Yeni insanlara güvənmək lazım deyil, öncə onları tanımağa çalışın. Ailənizə qayğı və diqqət göstərin, onların sizə ehtiyacı ola bilər. Özünüzü yormayın.



Buğa

İşləriniz əla gedəcək və yeni layihələrə imza atmaq üçün doğru zaman sayıla bilər. Məzuniyyətə çıxmaq istəyəcəksiniz, lakin sənədlərlə bəzi problemlər olduğuna görə bu iş alınmayacaq. Şəxsi həyatınızda cüzi səbəblər ucbatından anlaşılmazlıqlar baş verəcək. Səhhətinizə qarşı diqqətli olun, yorğunluq və ağırlıq hissləri sizi tərk etməyəcək.



Əkizlər

Müxtəlif fikirlər, sənədlərin imzalanması, səfərlər və görüşlər - bunlar hamısı sizi gözləyir. Karyera baxımından əlverişli zaman deyil, lakin gələcək planlar üçün çox münasib aydır. Tez-tez pul çatışmazlığı hiss edəcəksiniz. Sevgilinizlə aranızda mübahisələr baş verəcək. Ancaq səhhətiniz çox gözəl olacaq, belə davam edin.



Xərçəng

Bu ay işləriniz o qədər çox olacaq ki, romantika və ailənizə vaxt ayıra bilməyəcəksiniz. Amma bu, gələcəyiniz üçün önəmlidir. Yeganə mənfi əlamət sosial faktor ola bilər. Rəhbərlik, iş yoldaşlarınız sizə qarşı diqqətsiz davrana bilər. Çalışın soyuqqanlı olun, maddi durumunuz olduqca ürəkaçan olacaq.



Şir

Çoxsaylı əngəllərə baxmayaraq peşəkar həyatınız yüksəlməyə doğru gedəcək. Ailə üzvləriniz sizə anlatmağa çalışacaq ki, təkliyə ehtiyacınız var. Sevdiyiniz hobbi ilə məşğul olun, heç nəyi vecinizə almayın. Ayın axırı yaxşı gəlir əldə etmək ehtimalı var. Amma bunu qabaqcadan heç kəsə bildirməyin.



Qız

Avqust sizin üçün ən uğursuz aylardan biridir. Evdə uşaqlarla, yoldaşınızla bəzi problemlər yaşayacaqsınız. Üstəlik, işdə də əməkdaşlarınız sizə tələ qurmağa çalışacaq. Səhhətinizə diqqətli yanaşın, çünki böyük ehtimal xəstələnə bilərsiniz. Bu ayı ehtiyatlı olmaq lazımdır, unutmayın ki, yaxşı işlər qarşıdadır.



Tərəzi

Bu günə qədər işləriniz əla idi, indi isə vəziyyət bir az dəyişə bilər. Çalışın işinizin öhdəsindən ustalıqla gələsiniz ki, rəhbərlik sizə irad tuta bilməsin. Buna baxmayaraq maddi vəziyyətiniz müsbət olacaq. Şəxsi həyatınızda, həmçinin problemlər yaranacaq. Sevdiyiniz insanın sizə xəyanət etdiyi haqda xəbər ala bilərsiniz.



Əqrəb

Bu ay iş həyatınız ön plana çıxacaq ki, bu da həyat yoldaşınızın qəzəbinə səbəb ola bilər. İşinizdə yüksələcəksiniz. Lakin çalışın ailənizə də yetərincə vaxt ayıra biləsiniz, əks halda bu mübahisəyə gətirib çıxara bilər. Maddi durumunuz əla olacaq. Avtomobil idarə edərkən ehtiyatlı olun, qəzaya uğramayın.



Oxatan

Əsas məqsəd bu ay danışıqları düzgün və doğru istiqamətdə aparmaqdır. Bəziləriniz üçün ön planda karyera olacaq, bəziləriniz üçün isə sevgi məsələləri. Pul qoymağa əla iş tapacaqsınız. Şəxsi həyatınız rəngarəng olacaq, ya göz yaşları və mübahisələr, ya da məhəbbət dolu günlər. Bir sözlə, hər şeyə hazırlıqlı olun.



Oğlaq

Maddi vəziyyətiniz yaxşı olmadığına görə əməkdaşlarınız və ailə üzvlərinizlə problemlər yaşayacaqsınız. Ailə büdcəniz get-gedə azalacaq. Üstəlik, sağlamlığınız ürəkaçan olmayacaq. Yaxşısı budur vaxtında həkimə müraciət edəsiniz. Özünüzü pis hadisələrdən qorumağa çalışın. Tək heç yerə getməyin.



Dolça

İşgüzar həyatınız dəyişkən olacaq. Bəzi məsələləri yenidən gözdən keçirməli olacaqsınız. Əvvəllər bağladığınız müqavilələr öz qüvvəsini itirə bilər. Əsəbləriniz korlanacaq, bu da öz növbəsində sevgilinizlə münasibətlərinizə zərər gətirə bilər. Pulunuz azalacaq, lakin bu sıxıntı bir müddət sonra keçəcək.



Balıqlar

Bu il yay fəsli sizin üçün tez bitəcək. Çoxlu işləməli olacaqsınız ki, sizə göstərilən ehtimadı doğrulda biləsiniz. Sevgiliniz özünü qeyri-adi aparacaq və bəlkə onunla vidalaşmalı olacaqsınız. Buna müqabil maddi durumunuz əla olacaq, külli miqdarda pul əlinizə keçəcək. Səhhətinizin yaxşı olması üçün təbiətdə olun.скачать dle 11.3


Загрузка...
Facebook Şərhləri
BİRQADIN Şərhləri (0)
ŞƏRH YAZ
ŞƏRHİNİZ SİZİN SİMANIZI TƏMSİL EDİR. ÖZÜNÜZƏ LAYİQ OLUN!