Ofis sindromu: peşə xəstəlikləri

Ofis sindromu: peşə xəstəlikləri
İş Qadını - Hüquqlar
10.09.2017 29
Ürək-damar xəstəlikləri
Kompüter qarşısında ara vermədən oturmağın sağlamlığın üçün nə qədər təhlükəli olduğunu özünə sübut etmək üçün bunu yoxla: əllərini bir neçə dəqiqəlik klaviaturadan çək, necə oturduğuna fikir ver. Çiyinlərin əyilib? Boynunda ağırlıq hiss edirsən? Başın ön və ya yana doğru əyilib? Bu vəziyyət onurğa sütununun əyilməsinə, damarların zədələnməsinə və beyinə qan getməməsinə gətirib çıxarır. Bu zaman yaddaş zəifləyir, insan tez-tez baş ağrısından şikayətlənir, təzyiq qalxır. Bu həm də ürək-damar sistemi xəstəliklərinin yaranmasına səbəb olur.
 
Nə etməli?
Tez-tez duruşunu dəyişməyə çalış. Əgər çiyinlərində və boynunda ağrı hiss etsən, barmaqlarınla həmin yeri masaj et. Ən az 10 dəqiqəlik kompüterin qarşısından uzaqlaş. Ən əsası isə bu məlhəmi iç: Termosa 0,5 litr qaynar su tök. 2 xörək qaşığı qurudulmuş kalenduladan götürüb, termosa əlavə edib, 1-2 saat saxla. Bu qarışıqdan gün ərzində üç dəfə 1/3 stəkan iç.
 
Göz quruluğu sindromu
Oftalmoloqlar bu xəstəliyə «ofis sindromu» deyirlər. Kompüter qarşısında, havasız, bağlı otaqda çox oturmaq göz suyunu qurudur. Gözdə qum varmış kimi hiss etmək, qızartı quruluğun əlamətləridir. Əgər xəstəliyin üstünə düşüb, vaxtında müalicə etməsən tezliklə əməliyyat masasına uzunmalı olacaqsan.
 
Nə etməli?
Hər 45 dəqiqədən bir fasilə vermək lazımdır. Bu hərəkətləri etmək gözdəki yorğunluğu atmağa kömək olacaq:
 
1. Əvvəlcə uzaq bir yerə, sonra burnunun ucuna bax.
2. Yuxarı aşağı, sonra sağa-sola bax.
3. Gözlərini yum, yavaşca barmağınla ovuşdur. Bu qan dövranını yaxşılaşdırır.
4. Gözünü qəfildən yumub aç.
 
Məlhəm: 2 xörək qaşığı suya yarım çay qaşığı bal töküb qarışdır. Bu məlhəmdən gündə iki dəfə 2 damcı gözə tök.
 
Bilək qıcolması
Kompüterin «mışkasını» tərpətməkdən biləkdə ağrılar baş verə bilər. Hətta ağrılar bəzən biləkdə qıcolmaların baş verməsinə də gətirib çıxarır. Bu damarlarda qan dövranının pozulmasına səbəb olur.
 
Nə etməli?
Bunun ən yaxşı çıxış yolu biləyi tez-tez nanə yağı ilə masaj etməkdir. Əgər bu kömək etmirsə, demək xəstəlik çox irəliləyib. Dərhal həkimə müraciət edin.
 
Xroniki yorğunluq sindromu
Bu sindroma daha çox qadınlarda rast gəlinir. Sindrom zamanı oynaqlarda, əzələlərdə ağrılar olur, özünü taqətsiz hiss edirsən. Heç bir işi etməyə həvəsin olmur. İnsanlar bunu soyuqdəymənin əlaməti hesab edirlər.
 
Nə etməli?
Bu orqanizmdə yod çatışmazlığının əlamətidir. Gecə yatmazdan əvvəl sinənə və belinə yod çək. Əgər səhər iz qalmırsa, demək yod çatışmazlığından əziyyət çəkirsən. Bunun üçün… · Gün ərzində çoxlu dəniz və süd məhsulları, yumurta ye.
Bu bəladan qurtulmaq üçün sənə aromaterapiya kömək edəcək. Vannanı isti su ilə doldurub içərisinə bir neçə damcı lavanda və ya reyhan yağı tök. İsti vanna qəbul etmək səni rahatladacaq.скачать dle 11.3


Загрузка...
Facebook Şərhləri
BİRQADIN Şərhləri (0)
ŞƏRH YAZ
ŞƏRHİNİZ SİZİN SİMANIZI TƏMSİL EDİR. ÖZÜNÜZƏ LAYİQ OLUN!