Eşqində olubdur hamı divanə Hüseynim.

Eşqində olubdur hamı divanə Hüseynim.
Qadın və Din
10.09.2017 32
 
 Eşqində olubdur hamı divanə Hüseynim.
Bir şəmsən, aləm sənə pərvanə Hüseynim,
Eşqində olubdur hamı divanə Hüseynim.
Eşqində olubdur hamı divanə Hüseynim.

Sən nuru-Xudasən şəfəqin aləmə nemət,
Qanındı sənin taci-nübüvvətdəki ziynət,
Sən "qalu-bəla"də götürüb cami-şəhadət,
Oldun пə ki var qəmlərə biganə Hüseynim.
Eşqində olubdur hamı divanə Hüseynim.

Dünya səmərindən uca tutdun bu cəfani,
Sən çəkmək üçiin gəlmədin aləmdə səfani,
Təlqin elədin ümmətüvə sidqü vəfani,
Etdin əməl əhdində ki peymanə Hüseynim.
Eşqində olubdur hamı divanə Hüseynim.

Oldu ölümün xilqət üçün ədli nidasi,
Bir vəqtidəki bu ölümün vardı əsasi,
İslami verən dəmdə bada küfri xətasi,
Bəxş etdin ömür qan ilə Quranə Hüseynim.
Eşqində olubdur hamı divanə Hüseynim.

Bu səfheyi-aləmdə hanı bircə misalın,
İslama dayaq durmaq idi fikrii xəyalın,
Qoydun bu yola can həm özün, həm də əyalın,
Taki bilə qədrin bu sitəmxanə Hüseynim.
Eşqində olubdur hamı divanə Hüseynim.

Küffar belə şah olmağını etmədi təxmin,
Beyətdən ötrüi tökdü qoşun-leşkəri min-min,
Sən canıvı qurban elədin ta yaşasın din,
Göz yummaq ilə aləmi-imkanə Hüseynim.
Eşqində olubdur hamı divanə Hüseynim.

Var indi də səndən qalan о tarixi məktəb,
Dini qorumaqdır bu müdavimlərə mətləb,
Səndən sora üsyanə dəvam eylədi Zeynəb,
Həqqin sözünü söylədi mərdanə Hüseynim.
Eşqində olubdur hamı divanə Hüseynim.

Eşqindədi insanlara ən ali səadət,
Vardır cəmi dünyadə bu hikmətdən əlamət,
Hamı düşəcək payıva çün ruzi-qiyamət,
Mehrin salacaq hər işi səhmanə Hüseynim.
Eşqində olubdur hamı divanə Hüseynim.

Aqil sayılır dəhridə hər kəs səni bilsə,
Min söz ola, azdır yenə vəsfində deyilsə,
Adın sənin ey şahim, əgər harda çəkilsə,
Soltan dönər ol bəzmidə aslanə Hüseynim.
 
 Eşqində olubdur hamı divanə Hüseynim.
 скачать dle 11.3


Загрузка...
Facebook Şərhləri
BİRQADIN Şərhləri (0)
ŞƏRH YAZ
ŞƏRHİNİZ SİZİN SİMANIZI TƏMSİL EDİR. ÖZÜNÜZƏ LAYİQ OLUN!