Qiyamət günü və ya Cənnətdə Allahı görmək olacaqmı?

Qiyamət günü və ya Cənnətdə Allahı görmək olacaqmı?
Qadın və Din
10.09.2017 79
Aleykum salam. Möminlər Allahı görəcəklər. Uca Allah bu barədə belə buyurur: "O gün (neçə-neçə) üzlər nurlanacaq və öz Rəbbinə baxacaqdır" (əl Qiyamə, 22-23).
Cərir ibn Abdullah (Allah ondan razı olsun) rəvayət edir ki, Rəsulullahın (sallallahu aleyhi və səlləm) hüzurunda oturmuşduq. Rəsulullah bədrlənmiş aya baxdı və belə dedi: "Siz Rəbbinizin hüzuruna gedəcəksiniz və bu ayı gördüyünüz kimi, onu da görəcəksiniz. Görməkdə bir çətinlik və sıxıntı çəkməyəcəksiniz. Elə isə günəş doğmamışdan əvvəlki namaza və gün batmadan qabaq qılınan namaza gücünüz çatdıqca davam edin”. Peyğəmbər sonra bu ayəni oxudu: "Günəşin doğmasından və batmasından əvvəl Rəbbinin qüdrət və ucalığını bütün həmdi ilə zikr et”. (Tirmizi, Cənnət, 16).
Əbu Hureyrənin (Allah ondan razı olsun) rəvayətinə əsasən Peyğəmbər (sallallahu aleyhi və səlləm) belə demişdir: "Siz bədrlənmiş gecədə ayı görməkdə çətinlik çəkirsiniz? Ya da həmişə günəşi görməkdə bir çətinliklə üzləşirsiniz?”. Əshabələr cavab verdilər: "Xeyr”. Bunun üstündən rəsulullah sözlərinə belə davam etdi: "Siz Rəbbinizi bədrlənmiş gecədə ayı gördüyünüz kimi rahatlıqla görəcək və heç bir çətinlik çəkməyəcəksiniz”. (Tirmizi, Cənnət, 17)скачать dle 11.3


Загрузка...
Facebook Şərhləri
BİRQADIN Şərhləri (0)
ŞƏRH YAZ
ŞƏRHİNİZ SİZİN SİMANIZI TƏMSİL EDİR. ÖZÜNÜZƏ LAYİQ OLUN!