Çayı isti-isti içməyin!

Çayı isti-isti içməyin!
Dadlı Reseptlər
10.09.2017 11
İsti qida və içkilərin daim qəbulu çox ziyanlıdır. Bunu çoxsaylı elmi araşdırmalar təsdiq edir.



Udlaq və qida borusu xərçəngi kifayət qədər tez-tez təsadüf edilən xərçəng formasıdır. Qida borusu xərçənginin təhlükəsi ondan ibarətdir ki, bu xərçəng çox tez metastaz verir (orqanizmdə yayılır) və bu səbəbdən çox çətin müalicə olunur.



Bu xərçəng formasının əsas risk faktorları arasında çox isti qida və içkilərin qəbulu durur. Araşdırmalar nəticəsində məlum oldu ki, çox isti qida və içkilərin (70 C-dən yuxarı) daim qəbulu bu xəstəliklərin inkişaf riskini 8 dəfəyə kimi artırır!

 

İsti qida və ya içki udlağa və qida borusuna düşdükdə bu orqanların selikli qişasının hüceyrələrini zədələyir. Əgər bu hal daim təkrarlanarsa, hüceyrələrdə patoloji dəyişikliklər inkişaf edəcək, sağlam hüceyrələr xərçəng hüceyrələrinə çevriləcək.



Bundan əlavə isti qida və içkilərə aludəlik dişlər üçün çox ziyanlıdır. İstinin təsirində diş emalı xarab olur - onun üzərində mikroçatlar əmələ gəlir ki, bu çatlar vaxt keçdikcə dişin dağılmasına səbəb olur.



Çox isti qida və içkilər həmçinin ağız boşluğunun selikli qişalarına da mənfi təsir edir, yuxarı tənəffüs orqanlarının fəaliyyətini pozur. Bu səbəbdən isti qidaları və içkiləri sevən insanları tez-tez xroniki tonzillit, öskürək, boğazda göynəmə narahat edir.



Selikli qişalar (ağız boşluğunda, mədə-bağırsaq sistemində, cinsiyyət sistemində) orqanizmdə müdafiə funksiyanı yerinə yetirir. Ağız boşluğunun selikli qişaları bura havadan düşən mikrob və infeksiyaları zərərsizləşdirir. Ağız boşluğunun selikli qişalarının daim yanması nəticəsində yerli immunitet zəifləyir, infeksiya və mikrobların hücumunu lazım olan səviyyədə dəf edə bilmir. Bu isə tənəffüs yolları xəstəliklərinin sayını artırır.



Beləliklə, isti qida və isti içkilərin qəbulu çox ziyanlıdır. Bu səbəbdən onları ilıq vəziyyətdə qəbul etmək lazımdır. Bunun üçün çay və qida dodaqları yandırmamalıdır.скачать dle 11.3


Загрузка...
Facebook Şərhləri
BİRQADIN Şərhləri (0)
ŞƏRH YAZ
ŞƏRHİNİZ SİZİN SİMANIZI TƏMSİL EDİR. ÖZÜNÜZƏ LAYİQ OLUN!