"Tovuzquşu gözü" salatı

Salatlar
10.09.2017 9
Tərkibi: 


3 iri və ya 4 kiçik toyuq döşü (1-1,2 kq)

1 kq toyuq qiyməsi 

9 yumurta

3 dilim bəyaz çörək 

100 ml süd

1 dəstə ispanaq 

1 baş soğan 

2 x.q. kərə yağı 

duz

qara istiot

toyuq üçün ədviyyat


Hazırlanması :


Bu ruleti keks üçün olan yumru, ortası boş qabda bişirmək gərəkdir. Qabın həcmindən asılı olaraq ərzağın çəkisi də dəyişə bilər. Ancaq istənilən formanı yalnız 3/4-dək doldurmaq lazımdır. 

8 yumurtanı suda qaynadıb bərk bişirin. Təmizləyin. 

İspanağı yuyub yarpaqlarını ayırın, hamarlayıb üst-üstə yığın, 1 dəqiqə qaynar suda saxlayın. Çıxarıb soyuq suya salın, boşqaba düzün. Toyuq qiyməsinə xırda doğranmış soğan, isti süddə isladılmış qabıqsız çörək, yumurta, duz, istiot və toyuq üçün ədviyyat əlavə edib yoğurun, sonra döyün (ruleti hazırladıqdan sonra qiymə artıq qalarsa, ondan da kotlet hazırlaya bilərsiniz). Toyuq filesini iri doğrayıb plyonkanın arasına qoyaraq napnazik olanadək döyün. Duz, istiot vurun. 7 bişmiş yumurtanı ayrılıqda ispanaq yarpaqlarına bükün. Hətta bir neçə qat da olar. Yağlanmış formanın içinə döydüyünüz toyuq ətini döşəyin. Bir neçəsini üstünə saxlayın. Qiymənin bir hissəsini döşəyin, əlinizi isladıb hamarlayın. İspanağa bükülmüş yumurtaları düzün. Yumurtanın üstündən yenə qiymə qoyub hamarlayın, döyülmüş toyuq ətiylə örtün. Üzərinə yağ çəkin. Vaxtından qabaq qızarmasın deyə folqa ilə bükün. Formanı 180 dərəcə qızdırılmış sobaya qoyun. 

Ruletiniz 2 kq qədər alınıbsa, 1 saat folqa ilə, 45 dəqiqə isə folqanı çıxararaq bişirin. Balacadırsa, daha az zamanda bişəcək. Hazır ruleti yaxşıca soyudun. Üzərini sürtgəcdən keçirilmiş yumurta ağı və sarısıyla bəzəyin (yapışsın deyə ruletin üzərinə ərinmiş yağ çəkin). 

Süfrəyə verəndə nazik dilimlərə doğrayın. 


Nuş olsun!скачать dle 11.3


Загрузка...
Facebook Şərhləri
BİRQADIN Şərhləri (0)
ŞƏRH YAZ
ŞƏRHİNİZ SİZİN SİMANIZI TƏMSİL EDİR. ÖZÜNÜZƏ LAYİQ OLUN!