Asan şokoladlı dondurma

Asan şokoladlı dondurma
Şirniyyat və Tortlar
10.09.2017 41
Artıq dükkanlardan dondurma almağa son:) Çünki sizə elə bir resept verəcəyəm ki, deyəcəksiniz ki, elə bu? Dondurma düzəltmək belə asan iş imiş? Bu mənim özümün fikirləşdiyim dondurmadır. Qatılaşmış südün bəzi dondurmaların hazırlanmasında istifadə edildiyini bilirdim, və hətta internetdə bir neçə reseptlə də rast gəldim. Ama oxuduğum reseplərdə ya yumurta sarısı ya da qaymaq var idi. Fikirləşdim ki, qaymağın əvəzinə elə adi süddən istifadə edim, yumurta sarısından isə heç istifadə etməyim. Ərzaqlara kakao tozu vı qatılıq üçün nişasta əlavə etdim və nəticədə ləzzətli şokoladlı dondurma alındı. Görəcəksiniz ki, bu dondurmanı hazırlamaq yalnız bir neçə dəqiqənizi alacaq. Düzdür, sonra o, uzun müddət buzluqda donmalıdır, amma eybi yoxdur, məncə gözləməyə dəyər. Nuş Olsun!

Fəridənin Asan Şokoladlı Dondurması

3-4 porsiya üçün
2 stəkan süd (yağlı və ya yağı az ola bilər, amma yağlı olsa daha ləzzətli olar)
1 konserv bankası (390 qramlıq) qatılaşmış süd (squshennoye moloko)
3 xörək qaşığı tünd şəkərsiz kakao (şirin kakao tozu vursanız dondurmanız həddindən artıq şirin olar)
1 xörək qaşığı qarğıdalı nişastası
Hazırlanması:
Balaca qazana süd və kakao tozunu qoyun. Orda odda dəyanmadan qarışdıra-qarışdıra, kakao həll olana qədər bişirin. Qatılaşmış südü əlavə edin və qarışdıra-qarışdıra 2 dəqiqə də bişirin. Qazana oddan kənara çəkin.
Alınan kütlədən təxminən 0.5 stəkan ayırıb stəkana tökün. Bu stəkana qarğıdalı nişastası əlavə edib həll edin.
Nişastalı qarışığı qazana geri tökün. Qazanı yenidən orda oddan dayanmadan qarışdıra-qarışdıra kütlə bir qədər qatılaşanadək bişirin (təxminən 6-7 dəqiqə çəkir). Qarışığın qatılığının kifayət olub olmamasını bu cür yoxlayın: taxta qaşığı qarışığa salıb çıxardın. Əgər qaşığın üstündə südlü plyonka əmələ gəlirsə, və əgər barmağınızla o plyonkanın ortasından bir xət çəkdiyinizdə o xət yenidən birləşmirsə, onda qarışığın qatılığı istənilən kimidir.
Qazanı kənara çəkin. Alınan kütləni soyuğa dayanaqlı bir qabın içinə boşaldın. Qabı soyuducuya qoyun ki, dondurma tamamilə soyusun. Təxminən 1 saat sonra çıxardın və qaşıqla qarışdırın. Sonra yenidən buzluğa qoyun. Bu prosesi təxminən 1 saat sonra da təkrarlayın.  Dondurmanı buzşuğa qoyun və tamamilə donmasını gözləyin. Dondurmanız hazırdır.

Nuş Olsun!
Mənbə: Fəridənin yemək kitabı
скачать dle 11.3


Загрузка...
Facebook Şərhləri
BİRQADIN Şərhləri (0)
ŞƏRH YAZ
ŞƏRHİNİZ SİZİN SİMANIZI TƏMSİL EDİR. ÖZÜNÜZƏ LAYİQ OLUN!