Qaymaqlı tort

Qaymaqlı tort
Şirniyyat və Tortlar
10.09.2017 32
 
Tərkibi: 



biskvit:

55 q un

40 q qarğıdalı nişastası

2-3 yumurta 

60 q şəkər tozu

35 q əridilmiş kərə yağı 

1 ç.q. vanil ekstraktı və ya 2-3 q vanili şəkər 

1 ç.q. limon sedrası

1 çimdik duz



krem: 


6 q jelatin

280 q kəsmik (yağlılığı 9%-dən çox olsun)

120 q şəkər pudrası

110 q xama

400 qaymaq (35-38% yağlılıqlı)

1/2 ç.q. limon sedrası

1/2 ç.q. portağal sedrası

0,5 limonun şirəsi 

0,5 portağalın şirəsi 

1 çimdik duz



meyvəli jele: 


150 q ərik cemi və ya mürəbbəsi (meyvə dilimisiz)

3 ç.q. tort üçün şəffaf jele (məsələn, Dr. Oetker)

2 ç.q. limon şirəsi 

5-6 x.q. su



Göstərilən ərzağın qədəri 23 sm diametrli tort üçün nəzərdə tutulub. 



Biskvit: 



Unu nişasta ilə qarışdırın, ələyin. 

Ayrı kasada yumurta, şəkər tozu, vanil ekstraktı, limon sedrası və duzu qarışdırıb mikserin orta sürətində 5-6 dəqiqə çalın. Həcmi 2,5-3 dəfə artmalıdır. 

Bu qarışığın 1/4-ni un və nişasta qarışığı ilə qarışdırın, sonra isə qalanını əlavə edib eytiyatla, eynicinsli kütlə alınanadək çalın. Sonda ərinmiş kərə yağı əlavə edib qarışdırın. 

Sobanı 180 dərəcə C-dək qızdırın. 

Kənarı açılan formanın dibinə perqament döşəyin. Xəmiri töküb yayın. 30 dəqiqə, qızarıncayadək bişirin. Kibrit çöpü ilə bişib-bişmədiyini yoxlayın. Formadan çıxarmadan tam soyudun. Soyuyandan sonra bıçaqla kənarlarını formanın qırağından ayırın. 



Krem: 



Jelatini 3-4 x.q. qaşığı soyuq suda isladın. 

Kəsmik iri dənəvərdirsə, ələkdən keçirin. Limon və portağalın sedrasını çıxarıb şirələrini sıxın. 

Bir qabda kəsmik, sedra, süzülmüş şirə, xama, duz və şəkər pudrasını qarışdırın. Eynicinsli kütlə alınması üçün blenderdə xırdalayın. Sonra yenidən ləyənçəyə tökün. 

Şişmiş jelatini su hamamında qızdırıb qarışdırın, 1/4 hissəsini kəsmikli qarışığa əlavə edin, qarışdırın, sonra isə yerdə qalanını da buraya qatıb qarışdırın. 

Bir qabı dondurucuda soyudun. Sonra onu çıxarıb içinə qaymağı tökün, mikserlə qatı köpük alınınca möhkəm çalın. Sonra bunu kəsmikli qarışığın üstünə qoyun, tam həll olunca səliqəylə qarışdırın (mikser gərək deyil). 

Kənarı açılan formanın (içində biskvit olanın) kənarına asetat plyonkası çəkin. (Əgər beləsi yoxunuzdursa, problem deyil. Sonra sufleni ayırmaq lazım gələndə adi saç feni ilə formanın kənarını bayırdan qızdırın, asanlıqla aralanacaq). 

Kəsmikli-qaymaqlı kremi formanın içindəki biskvitin üzərinə tökün. Hamarlayın, üzərinə folqa çəkib soyuducuda minimum 2 saat saxlayın. 



Meyvəli jele: 



Bir qazançada ərik cemi, jele, şirə və suyu qarışdırın. Jele mayedə həll olanadək qarışdırın. Orta itilikli ocağın üstünə qoyun, qaynara düşənədək qarışdırın, qaynara düşəndə ocağı azaldın, vam odda 1 dəqiqə qaynadın. 

Ocaqdan götürüb ələkdən süzün ki, meyvə hissələri qalmasın.


Hazır jeleni soyumuş tortun üzərinə tökün, formanı əlinizdə ora-bura əyməklə hamarlayın. Soyuducuda 1 saat saxlayın. 

Sonra isə meyvə ilə bəzəyin. 



Nuş olsun! скачать dle 11.3


Загрузка...
Facebook Şərhləri
BİRQADIN Şərhləri (0)
ŞƏRH YAZ
ŞƏRHİNİZ SİZİN SİMANIZI TƏMSİL EDİR. ÖZÜNÜZƏ LAYİQ OLUN!