Bakı paxlavası resepti - FOTO RESEPT

Bakı paxlavası resepti - FOTO RESEPT
Şirniyyat və Tortlar
10.09.2017 257
Tərkibi:

Xəmir üçün:


1 kq un

2 yumurta sarısı

200 qr xama

100 qr ərinmiş kərə yağı

0,5 lt süd

1 x/q maya

1 çimdik sarıkök

duz



Yağlamaq üçün:

1,5 kq ərinmiş kərə yağı



İçlik üçün:

0,5 kq qoz ləpəsi

0,5 kq şəkər tozu

hil

cöüz (мускатный орех)



Şərbət üçün:

2 stəkan şəkər tozu

1 stəkan qaynar su

yarım ç/q limon suyu



Hazırlanması:

1. İçlik yaxşı olar ki, 1 gün əvvəl hazırlansın. Qozu biraz tavada qızardıb ləpə çəkəndə çəkirik.

2. Hil və cöüz (мускатный орех) tavada biraz qızardılır və üyüdülüb toz halına salınır.

3. Ləpəyə ədviyyat, şəkər tozu əlavə edilib qarışdırılır. İçlik hazırdı.

4. Xəmiri hazırlamaq üçün yekə qab götürülür un ələklə ələnir.

5. Unun üzərinə yumurta sarıları, xama, maya, bir çikdik duz və sarıkök əlavə edilir.

6. Başqa qazanda kərə yağı ilə süd qarışdırılır (hər ikisi də ilıq olmalı) və una əlavə edilib yumuşaq xəmir yoğrulur.

7. 1 saat xəmiri isti yerə qoyuruq ki, acısın.

8.
Xəmir acıyandan sonra 12 hissəyə bölünür. 2 böyük kündə, 10 kiçik kündə
hazırlanır. Xəmirin arasını yağlamaq üçün istifadə edəcəyimiz yağı
qızdırırıq ki soyuq olmasın (ilıq olmalı).

9. İlk olaraq tavanı yağlayırıq. Böyük kündədən birini açıb tavaya qoyuruq. İlk acdığımız xəmir nisbətən qalın olmalıdı.

10. Açılan xəmirin üstünü yağlayıb üzərinə içlikdən səpirik.

11. Bütün kündələri eyni qayda ilə edirik.

12. Axırda böyük kündə açılır.Amma ona yağ, içlik vurulmur.

13. Bıçağın köməyi ilə xəmir paxlava şəklində kəsilir.

14. Xəmirin üzərinə yumurta sarısı ilə sarıkök qarışığı vurulur.

15. Əvvəlcədən isidilmiş 200 dərəcə sobada bişirilir.

16.
Üstü biraz qızaranda sobadan çıxarılır, kəsilən paxlavalar yenıdən
bıçaqla kəsilir və paxlavanın üzərinə 2 stəkan ərinmiş kərə yağı
tökülür (hər tərəfinə eyni miqdarda düşməlidi).

17. Yenidən paxlava sobaya qoyulur.

18.
Paxlava bişə-bişə şərbətini hazırlayırıq. Bunun üçün qazana şəkər tozu,
su, limon suyu tökülür 5 dəqiqə qaynadılır.Biraz qatı olmalıdı.

19.
Paxlavanın üzü tam qızardıqda sobadan çıxardılır isti şərbət paxlavaya
qaşıqla tökülür.Elə tökməliyik ki hər tərəfinə eyni miqdarda yayılsın.

20. Sonra soyumağa qoyuruq. Tam soyuduqdan sonra bıçağın köməyi ilə paxlavalarımızı kəsib çıxardırıq.





































Nuş olsun!скачать dle 11.3


Загрузка...
Facebook Şərhləri
BİRQADIN Şərhləri (0)
ŞƏRH YAZ
ŞƏRHİNİZ SİZİN SİMANIZI TƏMSİL EDİR. ÖZÜNÜZƏ LAYİQ OLUN!