Prebranas

Prebranas
Yeməklər
10.09.2017 52
Tərkibi: 
500 q iri ağ lobya 
1 kq baş soğan 
150 ml bitki yağı 
4-5 diş sarımsaq 
3 dəfnə yarpağı 
duz
istiot 
2 ç.q. üyüdülmüş şirin qırmızı istiot (paprika)
1 ç.q. üyüdülmüş acı qırmızı istiot
1 x.q. tomat pastası
 
Hazırlanması:
Lobyanın üstünə su töküb bir gecə saxlayın. 
Sabahı gün suyu süzün, lobyanı yuyun. Üstünə təzə su töküb qaynatmağa qoyun. Qaynayandan sonra bu suyu da süzün və lobyanın üstünə 2 barmaq çıxana qədər qaynar su tökün. 
Yumşalınca bişirin. Dəfnə yarpağı və iri doğranmış baş soğan əlavə edin. Lobya bişəndən sonra aşsüzənə tökün, amma suyunu atmayın. 
Soğanı yarımhalqa doğrayın (hə, çox görünə bilər, amma belə lazımdır - düz 1 kq). Bitki yağında qovurun. Lobyanın suyundan azca əlavə edin. Sonda əzilmiş sarımsaq, acı və şirin qırmızı istiot əlavə edin. 
Oda davamlı qabı (saxsı olsa, daha yaxşı olar) bitki yağıyla yağlayın. Dibinə lobya, üstünə qovrulmuş soğan, sonra yenə lobya-soğan-lobya döşəyin.
Lobya suyunda tomatı əridin, lobyanın üstünə 1 barmaq çıxınca tökün. 180 dərəcə qızdırılmış sobada təxminən 1 saat bişirin. Suyu qatılaşanda prebranas hazır olur. Amma çox qurumasına imkan verməyin. 
Soyuyanda da ləzzətli olur. 


Nuş olsun.


/Mənbə: Qadınlar.biz/
[b][/b]
 скачать dle 11.3


Загрузка...
Facebook Şərhləri
BİRQADIN Şərhləri (0)
ŞƏRH YAZ
ŞƏRHİNİZ SİZİN SİMANIZI TƏMSİL EDİR. ÖZÜNÜZƏ LAYİQ OLUN!