Dofinua qrateni resepti

Dofinua qrateni resepti
Yeməklər
10.09.2017 36
Kartoflu qratenin hazırlanma qaydasını təqdim edilir.



Tərkibi:

500 q kartof

100 ml süd

300 ml yağlı qaymaq

2-3 diş sarımsaq

30 q kərə yağı

muskat cevizi

duz



Hazırlanması:

Sobanı 180 dərəcə qızdırın. Kartofu təmizləyib 3 mm qalınlıqda dilimlərə doğrayın (bunun üçün xüsusi sürtgəcdən istifadə edə bilərsiniz).



Qazanda südlə qaymağı qarışdırın. Əzilmiş sarımsaq, 1 çimdik üyüdülmüş muskat cevizi və duz əlavə edin. Qaynara düşəndə doğranmış kartofu qazana salın. Vam odda 8-10 dəqiqə bişirin.



Formanın içinə sarımsaq çəkin, kərə yağıyla yağlayın. Kartofu kəfkirlə götürüb formaya yığın. Qazandakı südlə qaymağı isə daha 5 dəqiqə qaynadın. Sonra kartofun üzərinə gəzdirin. Kərə yağını doğrayıb üstünə ara-bərədə düzün.



Sobada yüngül qızaranadək, təxminən 15-20 dəqiqə bişirin. Süfrəyə isti-isti verin.



Porsiya formalarında da bişirə bilərsiniz.



Nuş olsun!скачать dle 11.3


Загрузка...
Facebook Şərhləri
BİRQADIN Şərhləri (0)
ŞƏRH YAZ
ŞƏRHİNİZ SİZİN SİMANIZI TƏMSİL EDİR. ÖZÜNÜZƏ LAYİQ OLUN!