Yağlı dəri haqqında bilinən 4 səhv

Yağlı dəri haqqında bilinən 4 səhv
Saç və Dəri baxımı
10.09.2017 7
Yağlı dəriyə sahib olanlar bu səbəbdən çox narahatlıqlar yaşasalar da, yağlı dərinin də bəzi üstünlükləri vardır. İlk olaraq onu demək lazımdır ki, yağlı dəri gec qocalır və qırışlanır. Dərimizdəki yağ miqdarı daim çox olduğu üçün dərimiz elastiklik qazanır və bu da bizim yaşıdlarımıza görə daha gənc görünməmizə səbəb olur. Bu, hər nə qədər gözəl bir hal olsa da, daim yağlı dərilə gəzmək, civzə və qara nöqtələrlə mübarizə aparmaq, makiyajın axması kimi hallar bizi narahat edir. Bu narahatlıq səbəbindən bir çox səhvlər edir və hər növ vasitədən istifadə edərək dərimizdəki yağlardan xilas olmağa çalışırıq. Bütün bunların heç bir köməyi yoxdur. Çox təəssüf ki, bu bizim dərimizin xüsusiyyətidir. Bunu kənar təsirlərlə aradan qaldıra bilmərik. Əgər dərimizi yaxşı tanısaq və nə yeyəcəyimizə, dərimizə nə çəkəcəyimizə diqqət etsək, yaxşı olar. Doğru bilinən səhvlərdən xilas olmalıyıq və vəziyyəti daha da pisləşdirməməliyik.



Nəmləndiricilərdən istifadə etmək lazım deyil.

Öz-özmüzə gəldiyimiz bir qərardır bu. Halbu ki, hər dərinin nəmləndiriciyə ehtiyacı vardır. Yağlı dəri də buraya aiddir. Çünki nəm ilə yağ eyni şey deyil, dərimizin nəm ehtiyacını verməliyik. Əks halda daha pis problemlər yarana bilər. Bu səbəbdən mütləq nəmləndirici kremlərdən istifadə etməliyik. Ancaq yağsız və ya az yağlı olmasına diqqət etməliyik.



Spirtli losyonlar

Spirtli losyonlar yağı təmizlədiyi üçün sizə çox gözəl bir vasitə kimi görünə bilər. Amma onlar heç bir dəriyə uyğun olmadığı kimi yağlı dəriyə də uyğun deyildir. Spirtli losyon dərimizdəki bütün yağları çəkərək dərinin qidasız olmasına səbəb olar. Dəridəki qırışıqları artıracaqdır. Losyon istifadə edərkən spirtsiz olmasına diqqət edin.



Yağın səbəbi çirkdir.

Bu tamamən səhv düşüncədir. Üzünüzü az yumağınızla yağın heç bir əlaqəsi yoxdur. Üzünüzü istədiyiniz qədər yuyun, amma yenə də yağlanacaqdır.



Tez-tez yuyulmalıdır.

Buda səhv düşüncədir. Yağlı dəriyə sahib olanlar gün ərzində üzlərini nə qədər yusa da, yağın qarşısını ala bilməz. Gündə iki dəfə üzü yumaq kifayətdir. Həddən çox üz yuyulmağı bəzi əks təsirlər yarada bilər. Civzə yaradar, ani quruluq dərini yanmasına səbəb ola bilər.скачать dle 11.3


Загрузка...
Facebook Şərhləri
BİRQADIN Şərhləri (0)
ŞƏRH YAZ
ŞƏRHİNİZ SİZİN SİMANIZI TƏMSİL EDİR. ÖZÜNÜZƏ LAYİQ OLUN!