Həkim-xəstə lətifələri :)

Həkim-xəstə lətifələri :)
Karikatura - Lətifələr
10.09.2017 17
Əməliyyatdan əvvəl xəstə həkimdən soruşur:

- Həkim, əməliyyatdan sonra mən fleytada çala biləcəm?

- Sakit olun. Əlbəttə ki, çalacaqsınız.

- Mən heç vaxt fleyta çala bilməmişəm. Siz həqiqətən yaxşı cərrahsınız.



***



Xəstə həkimdən soruşur:

- Həkim, düz deyirlər ki, yerkökü görmə qabiliyyətini yaxşılaşdırır?

- Həqiqəti deyirlər! Heç nə vaxtsa eynəkli dovşan görmüsən?



***



Həkim xəstəyə deyir:

- İçməsən, ömrünü uzadacaqsan.

- Düz deyirsiz, həkim! Bir həftə içmədim, həftə mənə il qədər uzun göründü.



 



***



Dəlixanada dəlilərə pyes oxudulur. Oxuyub qurtarandan sonra dinləyicilərdən fikirlərini öyrənirlər. Biri ayağa durub deyir:



 -Pyes xoşuma gəldi. Ancaq orda personajlar yaman çox idi.

Bu dəm sanitar içəri girib soruşur: -Dəlilər, telefon kitabını kim götürüb?



***



Yuxusuzluqdan əziyyət çəkən boksçu həkimin yanına gəlir. Həkim məsləhət verir:



-Yatmağa uzanandan sonra saymağa başlayın.

Boksçu:

- Yox, bu, mənlik deyil. Doqquza çatan kimi ayağa qalxıram.



***



 

- Niyə dərman içmirsiniz?

- Dadı xoşuma gəlmir.

- Siz dərmanı için, elə hesab edin ki, konyak içirsiniz.

- Yaxşısı budur konyak içim, elə hesab edim ki, dərman içirəm.



***





Xəstə (ümidlə):

- Doktor, mən yaşayacağam?

- Həkim (nəzakətlə):

- Sizi ölümdən sonrakı həyat maraqlandırır?



* * *



 



Həkim xəstəyə iki dərman verir:

- Birini gecə yatmamışdan əvvəl qəbul edin. İkincini səhər - əgər ayılsanız.



 

***



- Doktor, xahiş edirəm, tez gəlin. Arvadımın kor bağırsağının ağrısı tutub!

- Narahat olmayın. İki il əvvəl arvadınızın kor bağırsağını kəsmişəm. Adamda ikinci dəfə kor bağırsaq ola bilməz.

- Düzdür, doktor. Ancaq adamda ikinci arvad ola bilər.



***



Həkim xəstənin yanına gəlib deyir:

- Xəstə, mənim sizə iki xəbərim var - biri yaxşı, biri pis. Hansından başlayım?

- Doktor, yaxşı xəbərdən başlayın.

- Bu xəstəliyə sizin adınızı verəcəklər.скачать dle 11.3


Загрузка...
Facebook Şərhləri
BİRQADIN Şərhləri (0)
ŞƏRH YAZ
ŞƏRHİNİZ SİZİN SİMANIZI TƏMSİL EDİR. ÖZÜNÜZƏ LAYİQ OLUN!