Az danışmağın gözəlliyi

Az danışmağın gözəlliyi
Maraqlı məlumatlar
10.09.2017 120
Sözün də su kimi lətafəti var, 

Hər sözü az demək daha xoş olar. 



Bir inci saflığı varsa da suda,

Artıq içiləndə dərd verir su da. 



İnci tək sözlər seç, az danış, az din 

Qoy öz sözlərinlə dünya bəzənsin.



Az sözün incitək mənası solmaz,

Çox sözün kərpiçtək qiyməti olmaz 



Əsli təmiz olan saf mirvarılar 

Suya və torpağa min bəzək vurar.



Mədənlə dolsa da hər bir xəzinə, 

Hər kiçik zərrəsi dərmandır yenə.



Ürəyi oxşayan bir dəstə çiçək 

Yüz xırman otundan yaxşıdır gerçək!



Yüz ulduz yansa da göylərdə, inan,

Bir günə baş əymək xoşdur onlardan.



Göydə parlasa da nə qədər ulduz, 

Günəşdir nur verən aləmə yalnız.

 

Nizami Gəncəviскачать dle 11.3


Загрузка...
Facebook Şərhləri
BİRQADIN Şərhləri (0)
ŞƏRH YAZ
ŞƏRHİNİZ SİZİN SİMANIZI TƏMSİL EDİR. ÖZÜNÜZƏ LAYİQ OLUN!