Gülümsəyin həyata

Gülümsəyin həyata
Maraqlı məlumatlar
10.09.2017 20





Gülümsəmək insana verilmiş bir xüsusiyyətdir. Elə gözəl inteqrasiya olunar ki həyatla, yapışdığımız gövdənin çiçəklərinə bənzər sanki. Kiçik bir gülümsəmə dahi necədə dəyişdirər həyatınızı, necə bir gözəlliyin içinə buraxar sizi bir bilsəniz. Bir yağışın altında islanar kimi fərahladar içinizi, yumşadar ürəyinizi. Elə isə nə üçün gülmürsünüz? Gülümsəyə bilmirsiniz?



 Həyatın çətinliklərini, hüznlərini yüklənmiş sevinclərini, ümidlərini yanına almağı unutmuş sanki insanlarımız. İşə gedərkən, prospektdə yeriyərkən, alış veriş edərkən bir baxırsınız ətrafınıza hamı asıq sifətli, bədbəxt insanlar. Həyatın içinə dalmış da unutmuşlar bu kiçik dodaq tərpənməsini.



 Halbuki güldükcə o  qədər çox qapınız aralanar ki! O qədər çox qazanclar əldə edərsiniz ki! Ən başda sevginizi, xoşbəxtliyinizi çoxaldar. Ürəyinizdəki gözəlliyi çölə əks etdirər. Yorğunluğunuzu aradan qaldırar. Xəstələndiyinizdə ya da böhrana düşdüyünüzdə mənəvi qaynağınız olar və daha nə qədər çətinlikləri aradan qaldırar içdən gələn isti bir gülümsəmə.



 Həyatın bütün çətinliyinə baxmayaraq yenə də gülümsəyin. Çünki xoşbəxtliyə gedən ən asan yoldur gülümsəmək. Hər doğan günün ümidi kimi başlayın həyata və gülümsəmələrinizi verin qarşınızdakılara. Bir müddət sonra onların da sizə gülümsədiyini görəcəksiniz.



 Ən son nə vaxt gülümsədiniz? Bir xatırlayın o anı. Ürəyinizdəki coşğunu, gözlərinizin parıltısını xatırlayın. Həyat həmişə qaranlıqdan ibarət deyil. Üstünüzdəki yükü yüngülləşdirmək üçün həyat sevincinizi itirməmək üçün gülümsəməniz lazımdır. Bir ana sevgisi, bir körpə safı, bir çiçək təzəliyi kimi gülümsəyin.



 Gülümsəməyən insanlar həmişə əskik yaşayarlar həyatı və peşman olduqlarında da geriyə dönə bilməzlər. Siz əskik yaşamayın həyatınızı. Ürəyinizin dərinliklərində qalmasın sizin gülümsəmələriniz. Çətin olan həyatı daha da çətinləşdirməyin. Yüngülcə gülümsəyin və aynaya baxın o anda. Üzünüzə gələn gözəlliyi siz də görəcəksiniz. 



 Gülümsəmək xoşgörüşdür, anlayışdır, sədəqədir, həyata yapışmaqdır. Quşları böcəkləri, təbiəti sevməkdir. Ən əhəmiyyətlisi də insanı sevməkdir. Elə isə siz də göstərin sevginizi və gülümsəyin həyata.скачать dle 11.3


Загрузка...
Facebook Şərhləri
BİRQADIN Şərhləri (0)
ŞƏRH YAZ
ŞƏRHİNİZ SİZİN SİMANIZI TƏMSİL EDİR. ÖZÜNÜZƏ LAYİQ OLUN!