Xəstəlik nəyə görə günahları aradan aparır?

Xəstəlik nəyə görə günahları aradan aparır?
Maraqlı məlumatlar
10.09.2017 30
Xəstəlik elə bir şeydir ki, hər bir canlını yaxalaya bilər. Xəstəliyə münasibət insanların arasında fərqlidir. Bəziləri xəstəliyi bəla və əziyyət bilib, səbirsizlik edirlər. Bəziləri isə onu imtahan kimi qəbul edib, səbir edirlər. (Tebyan)

Qadinlar.Biz deyerler.org-a istinadən bildirir ki, bəs əziz Peyğəmbərimizin (s) xəstəliyə baxışı necə idi?
Həzrət Rəsuli-Əkrəm (ə) buyurur: "Xəstə insan üçün 4 xüsusiyyət vardır:
1. Qələm ondan götürülər. (Yəni, xəstəliyə görə tərk etdiyi vacibatlara və ya xəstə olduğu üçün yerinə yetirməli olduğu harama görə cəzalanmaz).
2. Allah (əməl) mələyinə əmr edər ki, sağlam olan zaman yerinə yetirdiyi hər bir ibadəti onun üçün yazsın.
3. Xəstəlik hər üzvə daxil olar, həmin üzvdəki günah xaric olar. (Əgər xəstə halı ilə) ölərsə, bağışlanar.
4. Əgər sağalarsa və sağ qalarsa, yenə də bağışlanar".
Ancaq bu bağışlanma Allahın haqqına aiddir, haqqun-nas isə hələ də xəstə insanın boynunda olar. Biz hamımız xəstəliyin nə olduğunu yaxşı bilirik. Bəzi xəstəliklər sürətlə sağalar, bəzisi isə uzun müddət insana aəziyyət verər. Ancaq mühüm olan bizim nə qədər səbir edə biləcəyimizdir.
Allah mehriban və müdrikdir. Bizim sağalmağımız Onun əlindədir.
Xəstəliyin günahı aradan aparması iki səbəbə görədir:
1. Xəstənin qəzəb və şəhvəti, xəstə olduğu üçün süstləşər (əlverişli zəminə yaranar).
2. Xəstə insan tövbə və istiğfar edərək, Allaha üz tutar və çirkin işləri tərk edəcəyini vəd edər.
Allah buyurur: "İnsana bir çətinlik və ziyan yetişən zaman (bütün hallarda) - böyrü üstə yatanda, oturanda, ayaq üstə - (dua edərək) Bizi çağırar. Elə ki, çətinlik və ziyanı ondan götürürük, Bizi ona yetişən ziyan(ı uzaqlaşdırmaq) üçün çağırmamış kimi (çıxıb) gedər! İsraf edənlərə etdikləri əməllər beləcə zinətləndirilmişdir". ("Yunus" 12).
Beləlliklə deyə bilərik ki, o günah ki, hələ nəfsə nüfuz etməmişdir, tezliklə aradan gedər. Ancaq o günah ki, artıq mələkə halını almışdır, xəstəlik zamanı peşmanlıq və istiğfar ilə aradan gedər.
İmam Əli (ə) buyurur: "Nə zaman Allah bəndəsi xəstəliyinin əziyyətini Allahın hesabına qoyar, bu, ona savab və əcrin çatması üçün zəminə olub onun behiştə girməsinə bais olar".
Xəstəliklər bizə bu qədər xeyir gətirməyinə baxmayaraq, bu, o demək deyildir ki, şəfa istəməyək. Çünki bizim Allahımız kərimdir. Hər kimə istəsə, savab və əcr verər. Ona görə də Allahın fəzlinə ümid bəsləyib, Ondan dünya və axirət xeyirini istəmək lazımdır.
Xəstə ağrısına görə ah çəkər və şəfa istəyər. Allah xəstənin bu halını sevir və istəyir ki, Onunla dərdləşsin və söhbət etsin. Bəzən də Allah insanın mənəvi məqamının ucalması üçün onu xəstə yatağına salar. Ən yaxşı xəstə o kəsdir ki, səbir edər. Ağrısını gizlədər və insanların yanında şikayət etməz.
İmam Sadiq (ə) buyurur: "Həqiqətən behiştdə elə bir məqam vardır ki, heç bir bəndə ona çatmaz, məgər o halda ki, (dünyada) bədəninə bəla yetişər".
Əlbəttə, bu, o kəslərə şamil edilir ki, xəstəliyinə görə səbir edər. İmam Əli (ə) buyurur ki, xəstəliyin özünün savabı yoxdur, bəlkə bizim bu xəstəliyə görə səbir etməyimizin əcri vardır.
Həzrət Peyğəmbər (s) buyurur: "Mömin kişi və qadın davamlı olaraq malına, canına və övladlarına görə bəlaya düçar olar ki, günahı olmadan Allahla görüşə bilsin".
Rəsuli-Əkrəm (s) buyurur: "Bir anlıq ağrı günahın bir anlıq təsirini aradan aparar".
Peyğəmbər (s) buyurur: "Möminə xəstə olan zaman savab verilməz, ancaq günahı örtülmüş olar".
Həzrət (s) başqa yerdə buyurur: "Mömin insan xəstə olan zaman Allah ona şəfa verərsə, onun keçmiş günahlarının kəffarəsi və gələcəkdə nəsihət almaq mənbəyi olar".
Allah Təala bizləri günahları bağışlananlardan qərar versin.скачать dle 11.3


Загрузка...
Facebook Şərhləri
BİRQADIN Şərhləri (0)
ŞƏRH YAZ
ŞƏRHİNİZ SİZİN SİMANIZI TƏMSİL EDİR. ÖZÜNÜZƏ LAYİQ OLUN!