Ürək, bir də sevmə mənim yerimə

Ürək, bir də sevmə mənim yerimə
Şeirlər - Hekayələr
10.09.2017 71
Sevəndə o kəsi sev ki, ürəyim,
O, mənim həyatda olsun gərəyim,
Bilmirəm, bu sözü deyim, deməyim,
Ürək, bir də sevmə mənim yerimə!...

Sən sevdin, nə olsun, sonu nə oldu?
Gözlərim hey yaşla boşaldı, doldu,

Sevmək ayrılığa aparan yoldu,

Ürək, bir də sevmə mənim yerimə!...



Sevəndə gözümlə sevəcəm daha,

O zaman ümidim olar sabaha,

Daha tapşırıram səni Allaha,

Ürək, bir də sevmə mənim yerimə!...



Nə eşqə inam var, nə sənə güman,

Sən sevsən, bu dərdə tapılmır dərman,

Bu gündən könlümə verilir fərman,

Ürək, bir də sevmə mənim yerimə!...

[/b]

Sevməkdə bir daha mənə gərəkmə,

Həsrətdən ağlayıb göz yaşı tökmə!

Mən özüm sevərəm, sən zəhmət çəkmə!

[b]Ürək, bir də sevmə mənim yerimə!...




Sevəndə həmdəmin olur kədər, qəm

Sənsən bu dərdlərə dözən, bilirəm,

Çarəm yox, mən sənə əmr eyləyirəm,

Ürək, bir də sevmə mənim yerimə!...

скачать dle 11.3


Загрузка...
Facebook Şərhləri
BİRQADIN Şərhləri (0)
ŞƏRH YAZ
ŞƏRHİNİZ SİZİN SİMANIZI TƏMSİL EDİR. ÖZÜNÜZƏ LAYİQ OLUN!