Gecikmiş məhəbbət

Gecikmiş məhəbbət
Şeirlər - Hekayələr
10.09.2017 20
Sən gizli gəlmisən ömrümə, inan,
Bu gizli eşq ilə yaşayacağam.
Dünyanın ən ağır yükü sayılan
Gecikmiş məhəbbət daşıyacağam.
 
Sən mənim ömrümdə açan çiçəksən,
Onu ürəyimdə bəsləyəcəyəm.
Sən məni heç zaman görməyəcəksən,
Mən səni hər zaman gözləyəcəyəm.
 
Sən məni heç zaman duymayacaqsan,
Mən bütün ömrünü izləyəcəyəm.
Sən mənə məhəl də qoymayacaqsan,
Mən səni həmişə səsləyəcəyəm.
 
Keçib hər alovdan, keçib hər oddan,
Böyük əzabından şad olacağam.
Sən mənə həyatda ən doğma adam,
Mən sənə yaddan da yad olacağam.
 
Sən ömür edəcəksən özgə adamla,
Mən kiməm, nəçiyəm, bilməyəcəksən.
Bir gün bu dünyadan sənin adınla,
Köçüb gedəcəyəm, bilməyəcəksən.
 
                                                                                 Müəllif: Cabir Novruzскачать dle 11.3


Загрузка...
Facebook Şərhləri
BİRQADIN Şərhləri (0)
ŞƏRH YAZ
ŞƏRHİNİZ SİZİN SİMANIZI TƏMSİL EDİR. ÖZÜNÜZƏ LAYİQ OLUN!