Haqqın dərgahına qalxdı şəhidlər!

Haqqın dərgahına qalxdı şəhidlər!
Şeirlər - Hekayələr
10.09.2017 17
Qatil gülləsinə qurban gedirkən,

Gözünü sabaha dikdi Şəhidlər.

Üçrəngli bayrağı öz qanlarıyla,

Vətən torpağına çəkdi Şəhidlər.



O şənbə gecəsi, o qətl günü,-

Mümkünə döndərdik çox namümkünü,

Xalqın qəlbindəki qorxu mülkünü,

O gecə dağıdıb sökdü Şəhidlər.



Tarixi yaşadıb diləyimizdə,

Bir yumruğa döndük o gecə bizdə.

Yıxıb köləliyi ürəyimizdə

Cəsarət mülkünü tikdi Şəhidlər.



Onlar susdurulan haqqı dindirər,

Qaraca torpağı qiymətləndirər.

Donan vicdanları qeyrətləndirər,

Axı, el qeyrəti çəkdi Şəhidlər.



Bilirik, bu bəla nə ilkdi, nə son,

Ölürkən uğrunda bu Ana yurdun.

Quzu cildindəki o qoca qurdun,

Doğru, düz cildini çəkdi Şəhidlər.



Dözdü hər zillətə, dözdü hər şeyə,

" Dünyada mənimdə haqqım var " ,- deyə

Kütləni xalq edən müqaviləyə,

Qanıyla qolunu çəkdi Şəhidlər.



İnsan insan olur öz hünəriylə.

Millət, millət olur xeyri, şəriylə,

Torpağın bağrına cəsədləriylə,

Azadlıq tumunu əkdi Şəhidlər.скачать dle 11.3


Загрузка...
Facebook Şərhləri
BİRQADIN Şərhləri (0)
ŞƏRH YAZ
ŞƏRHİNİZ SİZİN SİMANIZI TƏMSİL EDİR. ÖZÜNÜZƏ LAYİQ OLUN!