Bu qədər asan olmamalıydı

Bu qədər asan olmamalıydı
Şeirlər - Hekayələr
10.09.2017 8
Bu qədər asan olmamalıydı hər şey…

Tanışlardan telefon nömrəni götürmək,

Əlini tutmaq, evə ötürmək, əvvəl dodaqlarına…

Sonra xətrinə dəymək bu qədər asan olmamalıydı…



İkimiz də istədiyimizə çatan kimi tükəndik.

Nəyisə, nələrisə yarım saxlamalı,

tam paylaşmamalı, tam bölüşməməliydik…

Az zəngləşməli, mesajların sayını azaltmalı

Və bəlkə də heç öpüşməməliydik…



Bizə aid olan hər dərdi özümüz,

Ancaq özümüz çəkməliydik.

Yersiz incimələrin, küsmələrin arasına gülüş tökməliydik.

Bu qədər asan olmamalıydı…



Binaları, maşınları, küçələri,

Səhəri telefonda açdığımız gecələri unutmaq,

Şəkillərini silmək, sonra adını telefondan pozmaq

Və bu gecə bu şeiri belə birnəfəsə yazmaq asan olmamalıydı.

İkimiz də olduğumuzdan artıq olduq görünür.

Bu qədər asan olmamalıydı…скачать dle 11.3


Загрузка...
Facebook Şərhləri
BİRQADIN Şərhləri (0)
ŞƏRH YAZ
ŞƏRHİNİZ SİZİN SİMANIZI TƏMSİL EDİR. ÖZÜNÜZƏ LAYİQ OLUN!