Gözüm su atır

Gözüm su atır
Şeirlər - Hekayələr
10.09.2017 32
Sənə təsadüfən öyrəşməmişəm
Sanki,nəfəsinlə nəfəs alıram
Getməyə səbəbim olur getmirəm,
Qalmağa bəhanə tapıb qalıram.
 
Nə səbəb axtardın nə sordun niyə?
Görünür həyatı dərk eyləyirsən
Bəlkə yerişinə vurğunam deyə
Məni yavaş-yavaş tərk eyləyirsən?!
 
Getmə...uzaq olum qoy həsrətinə
Sən-sən ol özündən ayırma məni
Elə öyrəşmişəm məhəbbətinə
Lap gözü yumulu sevərəm səni.
 
Sən mənə dörd dəfə ayrılaq dedin
Hər dəfə yox dedim sənə mən yazıq
İndi yox desəndə ayrılmalıyıq
Dörd səhvin bir düzü apardı artıq.
 
Gəl daha məhəbbət haqda danışma
Yalan ümidlərin başımı qatır
Mən ağlamıram ki...sənə uğurlar
Gedirsən...dalınca gözüm su atır
 
Müəllif: Pərviz Arifскачать dle 11.3


Загрузка...
Facebook Şərhləri
BİRQADIN Şərhləri (0)
ŞƏRH YAZ
ŞƏRHİNİZ SİZİN SİMANIZI TƏMSİL EDİR. ÖZÜNÜZƏ LAYİQ OLUN!