Qadınsız Ev

Qadınsız Ev
Şeirlər - Hekayələr
10.09.2017 79
 Çiyinlərdə yerin-göyün qəmidir,

Ah çəkirsən asimana yetişir.

Qadınsız ev-

Tufandaki gəmidir,

O nə batır,nə limana yetişir.



 

Ağır dərdlər faciənin gücüdür,

Nə sevinib, nə də gülə bilirsən.

Qadınsız ev-

Xəstəxana küncüdür,

Nə diridir,nə də ölə bilirsən.



 

Fəlakətdə neçə-neçə sirr yatır,

Səni yıxır,polad kimi o sınmır.

Qadınsız ev-

Günəşsiz bir dünyadır,

Nə od yansa, qızınmır ki, qızınmır.



 

Sən bir quşsan,ruhun sınmış qanaddır,

Heç baxma ki, külək sərin,meh ilıq…

Qadınsız ev-

Ulduzsuz kainatdır,

Həmdəmindir sükut ilə qaranlıq.



 

Ey kişilər!

Sevginizi əzizləyin cahanda,

Qadınlığın sədaqətdir ilk adı.

Vay o gündən-

Ömrün axır anında,

Gözünüzü qapayanda olmadı!



 

Müəllif: N.Xəzri





скачать dle 11.3


Загрузка...
Facebook Şərhləri
BİRQADIN Şərhləri (0)
ŞƏRH YAZ
ŞƏRHİNİZ SİZİN SİMANIZI TƏMSİL EDİR. ÖZÜNÜZƏ LAYİQ OLUN!