Bir dəli sevdanın qurbanıyam mən

Bir dəli sevdanın qurbanıyam mən
Şeirlər - Hekayələr
10.09.2017 33
Bir dəli sevdanın qurbanıyam mən,

Ürəyim həsrətdən od tutub yanır.

Üzümdə yalançı gülüşü görən,

Məni bu dünyanın xoşbəxti sanır.



Görəsən xəbəri varmı o kəsin,

Gecələr-gündüzlər nə çəkdiyimdən?

Təbəssüm olsa da dodaqlarımda,

İçimdə dərd biçib qəm əkdiyimdən...



Uçan durnalara bənzəyirəm mən,

Xəyalım yerləri, göyləri gəzir.

Gözlərim fikirdən hər gün yol çəkir,

Beynim xəyallardan nə yaman bezir...



Günahı kimsədə görməyirəm mən,

Olmuşam bir dəli sevdaya əsir.

Oturub xəyala dalarkən hərdən,

Bir isti yay günü əsirəm tir-tir.



Fikirlər, xəyallar üşüdür məni,

Deyəsən yetişib ömrün qış çağı.

Hələ də sinəmdə yeri qalıbdır,

Bağrımın başına çəkdiyin dağın...скачать dle 11.3


Загрузка...
Facebook Şərhləri
BİRQADIN Şərhləri (0)
ŞƏRH YAZ
ŞƏRHİNİZ SİZİN SİMANIZI TƏMSİL EDİR. ÖZÜNÜZƏ LAYİQ OLUN!