Yoxluğun nə yaman çətinmiş demə...

Yoxluğun nə yaman çətinmiş demə...
Şeirlər - Hekayələr
10.09.2017 10
Bu gecə gəlmişdin röyama qonaq,

Göründün gözümə yaman narahat.

Oyandım yerimdən qəflətən o an,

Divarda rəsmini gördüm o saat...



Bir ömür bilərək mən qiymətini,

Adını qəlbimdə saxlayacağam.

Bir zaman ağlıma gəlməzdi belə,

Məzarın üstündə ağlayacağam.



Ağappaq saçına düşən dənləri,

Özüm oxşayardım sənin hər axşam.

Anamtək qoynunda yatırtdın məni,

İndi sənsizliyə düçar olmuşam..



Sən hey danışardın xatirələrdən,

O incə səsinə möhtacam, baba.

Evin bircə yanan çırağı idin,

Sənsiz evimizi isitmir soba...



Bu gün sən məzarda olsan da belə,

İncə varlığını hey duyacağam.

Axı nə biləydim bir vaxt gələcək,

Qəbrinin üstünə gül qoyacağam...



Sənsiz bu ürəyi dərd-qəm bürüyüb,

Söyləyim ürəyin dərdini kimə?

İndi evimizdə boş qalıb yerin,

Yoxluğun nə yaman çətinmiş demə...скачать dle 11.3


Загрузка...
Facebook Şərhləri
BİRQADIN Şərhləri (0)
ŞƏRH YAZ
ŞƏRHİNİZ SİZİN SİMANIZI TƏMSİL EDİR. ÖZÜNÜZƏ LAYİQ OLUN!