Gözümü yumuram, görürəm səni

Gözümü yumuram, görürəm səni
Şeirlər - Hekayələr
10.09.2017 12
Gözümü yumuram, görürəm səni

Vaxtında doyunca baxmadım sənə

Ya sən ürəkdən sevmədin məni

Ya da mən biganə yanaşdım sənə.



Ani bir qasırğa ayırdı bizi

Əlini qopardı mənim əlimdən

Sovrulub silindi sevginin izi

Get sözü daş olub düşdü dilimdən.



Gözümü yumuram, görürəm səni

Həmən o dodaqlar, həmən o gözlər

Ya sən ürəkdən sevmədin məni

Ya da öz sehrini itirdi sözlər.



Günəş tək qüruba çəkildi, itdi

Sanki buludlar gizlədi ayı

Bir səhər başlayıb, bir gecə bitdi

Heç kəsə qalmadı məhəbbət payı.



Gözümü yumuram, görürəm səni

Həmən o sözləri eşidirəm mən

Ya sən ürəkdən sevmədin məni

Ya da sevgini görmədin məndən



Müəllif: Tural Rəhmanlıскачать dle 11.3


Загрузка...
Facebook Şərhləri
BİRQADIN Şərhləri (0)
ŞƏRH YAZ
ŞƏRHİNİZ SİZİN SİMANIZI TƏMSİL EDİR. ÖZÜNÜZƏ LAYİQ OLUN!