Millətim

Millətim
Şeirlər - Hekayələr
10.09.2017 25
Niyə bu günə düşdün

Ay mənim məmləkətim?

Özümə düşmən olub

Aşıb-daşan sərvətim.



Bir vaxt sən də xan idin,

Vaxta hökmüran idin,

Dövlətlər quran idin,

İndi sənə nə oldu

A qullaşan millətim?



Daşından da zər bitər,

Yeddi arxana yetər.

Dilənçidən beşbetər

Yoxsullaşan millətim.



Namusuyla, arıyla,

Keçdiyi yollarıyla,

Böyük oğullarıyla

Oğullaşan millətim.

 

Savaş hünərləriylə,

Qəhrəman ərləriylə,

Böyük zəfərləriylə

Nağıllaşan millətim.



Dəmir qıran dişiylə,

İgidlik vərdişiylə,

Öz şanlı keçmişiylə

"Sağollaşan" millətim.



Bu xalqın öz övladı

Öz-özünü ovladı.

Səbrini buxovladı

Səbri daşan millətim.



Necə dözdün bir belə

Müsibətə, müşkülə?

Çəkdiyi sitəm ilə

A yollaşan millətim?



Nə gündəsən, nə gündə?

Qor qalmayıb külündə.

Qeyrətsizlər əlində

Bu gün çaşan millətim.



İstəyirəm çaşmaya,

Dərdiylə yollaşmaya,

Bir daha qullaşmaya

Xan oğlu, xan millətim.

 

Bəxtiyar Vahabzadəскачать dle 11.3


Загрузка...
Facebook Şərhləri
BİRQADIN Şərhləri (0)
ŞƏRH YAZ
ŞƏRHİNİZ SİZİN SİMANIZI TƏMSİL EDİR. ÖZÜNÜZƏ LAYİQ OLUN!