Nə biləydik

Nə biləydik
Şeirlər - Hekayələr
10.09.2017 28
Nə biləydik bu sevginin sonu yox,

Nə biləydik dünya belə dönəcək,

Nə biləydik sevgi adlı bu qonaq

Ikimizin aramızda öləcək...



Ulu sevgi göydən yerə endimi,

Nə dayandı yolumuzun üstündə?

Bu məhəbbət soyuduqca, sən demə,

Can verirmiş qolumuzun üstündə.



Hər görüşə sürünürdü ayaqlar...

O çəmənlər - bir baharlıq səməni.

Dodaqları yandıranda dodaqlar

Ürəyimiz üşüyürmüş, deməli.



Əyləncələr qoymadı ki, göz açaq;

Hər istəyi biz beləcə bitirdik.

Payız gəldi toy-bayramla, biz ancaq

Yarpaq-yarpaq günümüzü itirdik.



Şirin oldu yalanların zəhəri,

Həqiqəti gizləmişik həmişə.

Sevgililər oyaq açdı səhəri,

Biz axşamı gözləmişik həmişə...



Yuxu gördük...

gah qorxulu, gah da şən,

Boğdu bizi tərədüdlər axarı.

Yuxularda əllər gördük birləşən,

Ha yozduqsa hicran oldu axırı...



Nə biləydik bu sevginin sonu yox,

Nə biləydik dünya belə dönəcək.

Nə biləydik sevgi adlı bu qonaq

Üzümüzə baxa-baxa öləcək...



Nüsrət Kəsəmənliскачать dle 11.3


Загрузка...
Facebook Şərhləri
BİRQADIN Şərhləri (0)
ŞƏRH YAZ
ŞƏRHİNİZ SİZİN SİMANIZI TƏMSİL EDİR. ÖZÜNÜZƏ LAYİQ OLUN!