Baxma gözlərimə

Baxma gözlərimə
Şeirlər - Hekayələr
10.09.2017 45
Yadımda bu dünya rəngli qalacaq

Könlüm səksəkəli , şəkli qalacaq

Gözümdə gözünün şəkli qalacaq

Baxma gözlərimə , baxma sən allah !



Gözünə , könlünə sığdımı dünya?

Gözünü yollardan yığdımı dünya?

Axır axırına çıxdımı dünya?

Baxma gözlərimə , baxma sən allah !



Gözümün əvvəlki odu yoxdu ki,

Dünyanın ləzzəti , dadı yoxdu ki,

Gözlərimdə sehr-cadu yoxdu ki,

Baxma gözlərimə, baxma sən allah !



Bir getdin , qayıdıb yenəmi gəldin?

Təzədən məzhəbə , dinəmi gəldin?

Dağ-dağ eləməyə sinəmi gəldin

Baxma gözlərimə, baxma sən allah !



Sözü söz eləyib sədaya salma

Məni qana salma , qadaya salma

Baxıb gözlərini xataya salma

Baxma gözlərimə , baxma sən allah !



Dərd-qəmi başımdan sova bilərəm

Könlünü bir isti yuva bilərəm

Təzədən vurulub sevə bilərəm

Baxma gözlərimə , baxma sən allah !



Dursun Musayevaскачать dle 11.3


Загрузка...
Facebook Şərhləri
BİRQADIN Şərhləri (0)
ŞƏRH YAZ
ŞƏRHİNİZ SİZİN SİMANIZI TƏMSİL EDİR. ÖZÜNÜZƏ LAYİQ OLUN!