Gələcəkdə gözləyəcəm

Gələcəkdə gözləyəcəm
Şeirlər - Hekayələr
10.09.2017 14
Keçmiş hisslər olmur xanım,

Ötəri hisslər olur.

Siz ona sevgi deyirsiz

Və qorxursuz...



Keçmiş qorxular olmur xanım,

Onlar böyüyür

Və təbəssümə çevrilir.

Siz də onu kiməsə göstərirsiz

Və dost olursuz...



Keçmiş dostlar olmur xanım,

Keçmiş dostluq olur.

Gələcək sevgilini

Qısqandırmaq üçün...



Keçmiş sevgililər olmur xanım

Keçmiş sevgilər olur.

Onlar da böyüyəndə

Xatirəyə çevrilir...



Keçmiş xatirələr olmur xanım,

Yaddaşınız sizi aldadır.

Əslində elə siz

Xatırlamaqla səhv edirsiz...



Keçmiş səhvlər olmur xanım,

Səhvlər heç vaxt bağışlanmır,

Bağışlanmır və keçmiş olmur...



Keçmişin özü də olmur xanım,

Hər şey gələcəkdən xəbər verir.

İndi bir söz deyəcəm:

Məni görüşə çağırmayın,

Hələ ki, bütün saatlarım təmirdədir.

Yaxşısı budur,

Bir az vaxt verin.

Mən sizi həmişə



Gələcəkdə gözləyəcəm...



‪‎RaqifRaufoğluскачать dle 11.3


Загрузка...
Facebook Şərhləri
BİRQADIN Şərhləri (0)
ŞƏRH YAZ
ŞƏRHİNİZ SİZİN SİMANIZI TƏMSİL EDİR. ÖZÜNÜZƏ LAYİQ OLUN!