Vicdan şahidliyi

Vicdan şahidliyi
Şeirlər - Hekayələr
10.09.2017 25
Hərdən əzab satar, qəm alar məni, 

Mənim bu dünyada çox xatam olub.

Səhvlər, qüsurlar, xatalar məni

Yenidən yaradan öz atam olub.

Xatalar üstündə boy atmışam mən,

Özümü yenidən yaratmışam mən.



Səhvimə, xatama hamıdan qabaq

Şahid də, hakim də vicdandır ancaq.

Belə bir məqamda vəkil lal olur,

Haqq kəsir, yalansa payimal olur.

Şahidim, vəkilim, hakimim də mən,

Qaçmaq mümkünmüdür bu məhkəmədən?



Vicdan şahidliyi! Könüllü dustaq!

Özündən könüllü intiqam almaq!

Vicdan şahidliyi! Bir hökmdar tək

Özünə çəkdiyin öz sinə dağın.

Vicdan şahidliyi! Özünü görmək,

Özünün özünə təslim olmağın.



Özünü görməyən görməz özgəni,

Sözünü anlamaz, özünü bilməz.

Özünü bilməyən bilməz kimsəni,

Əyriyə əyilər, düzə əyilməz.

Şahidin, vəkilin, hakimin də sən,

Qaçmaq mümkünmüdür bu məhkəmədən?



Müəllif: Bəxtiyar Vahabzadəскачать dle 11.3


Загрузка...
Facebook Şərhləri
BİRQADIN Şərhləri (0)
ŞƏRH YAZ
ŞƏRHİNİZ SİZİN SİMANIZI TƏMSİL EDİR. ÖZÜNÜZƏ LAYİQ OLUN!