Uzat əlini

Uzat əlini
Şeirlər - Hekayələr
10.09.2017 8
Yumub gözlərini 

uzat əlini mənə-dua et,

Sənə məhəbbət verəcəyəm.

Sonra baş götürüb gedəcəyəm.

Gözlərini açanda 

Düşəcəksən bu kimsəsiz məhəbbətin ardınca.

Gəzdirəcəksən bu məhəbbəti yanınca.

Bütün gözlərə diqqətlə baxacaqsan

Çoxu elə biləcək sevirsən onları.

Yavaşıyacaq kiminsə addımları.

Kimsə düşəcək arxanca

Bəlkə qorxacaqsan

Mən deyiləm axı.

Özünə peşə edəcəksən məhəbbət axtarmağı.

Bu rəngsiz məhəbbətin izinə düşəcəksən.

Min cür məhəbbət görəcəksən

Min cür söz eşidəcəksən.

Hardasa bir korun ovcuna pul atacaqsan.

Sənə elə gələcək o da axtarırı məhəbbətini.

Bilməyəcəksən ki,

Artıq ona bəxş etdin səadətini.

Baxdığın adamlar səni qınayacaq,

Kimsə gözlərinin acılığına yanacaq.

Bütün gözlərdə axtara-axtara məhəbbətini 

Bədbəxt olacaqsan

Tapa bilməyib səadətini.

Mən sənin yanınca gəzəcəyəm,

Görməyəcəksən məni.

Məni axtara-axtara 

Uzat Şərqə,Qərbə,Şimala,Cənuba əlini...

 

Tofiq Abdinскачать dle 11.3


Загрузка...
Facebook Şərhləri
BİRQADIN Şərhləri (0)
ŞƏRH YAZ
ŞƏRHİNİZ SİZİN SİMANIZI TƏMSİL EDİR. ÖZÜNÜZƏ LAYİQ OLUN!