Üşüdünsə bağışla

Üşüdünsə bağışla
Şeirlər - Hekayələr
10.09.2017 23
Bir dost gəlib deyə ki,

-dərd eləmə, düzələr,

payızdır da, payızda

yağır belə yağışlar.

Bir də Tanrının səsi

titrədə yeri, göyü,

üzgün-üzgün deyə ki,

-üşüdünsə, bağışla...



Bir yandan anam gələ,

əlində yun jaketim,

dillənə ki,

-soyuqdur,

bürün buna, ay bala!

Beləcə dostum kimi,

beləcə Tanrı kimi,

beləcə anam kimi

hamı qayğıma qala.



Mənsə səndən nigaran,

bir mesaj yazam sənə,

soruşam ki,

-necəsən,

soyuqdan üşümürsən?

Hamı məni düşünür, 

mənim vecimə deyil,

mənə sən maraqlısan,

sən məni düşünürsən?



Yazam bir dostun kimi.

-dərd eləmə, düzələr,

payızdır da, payızda 

yağır belə yağışlar,

əynini qalın geyin,

bir yun jaketə bürün,

sən mənim yoxluğuma,

üşüdünsə, bağışla...



Müəllif: Orxan Bahadırsoyскачать dle 11.3


Загрузка...
Facebook Şərhləri
BİRQADIN Şərhləri (0)
ŞƏRH YAZ
ŞƏRHİNİZ SİZİN SİMANIZI TƏMSİL EDİR. ÖZÜNÜZƏ LAYİQ OLUN!