Squat ideallıq açarı...

Squat ideallıq açarı...
Dieta - Fitnes
10.09.2017 16
Asan görünən squat əslində olduqca çətin və bir o qədər də ağrılıdır



Bədən uzun müddət hərəkətsiz qaldıqda və tənbəlliyə öyrəşdikdə əzələlərin yumşalması, funksiyasını itirməsi baş verir. Ən kiçik ağırlığa belə dözməyən əzələ daha sonra sızıltı şəklində özünü göstərir. İlk dəfə idmanla məşğul olmaq, uzun müddət ağır əşyanı qucaqda saxlamaq, pilləkənləri qalxmaq və bu kimi əzələləri sıxan hərəkətlər daha sonra sızıltıların günlərlə davam etməsi üçün şərait yaradır. Daimi olaraq eyni əzələni işlətmək əzələnin oyanmasına və növbəti dəfə heç bir ağrının hiss olunmamasına səbəb olur. Bunu isə hər insan bacarmır. Əksər insanlar oturaq iş rejimindən və daimi olaraq az hərəkət etməsindən dolayı əzələ tənbəlliyi ilə üz-üzə qalır. Əzələlərin sızıltısından əziyyət çəkən təbəqənin ən çox gənc nəsil olduğunu desək yanılmarıq. İdeal bədən quruluşu yaratmaq istəyinin ani yaranıb anidən də yox olması gənclərin idmanı edib daha sonra yarımçıq saxlamasına səbəb olur. Bu isə əzələlərin aktivləşdirilib daha sonra yenidən tənbəlliyə alışdırılması deməkdir. Belə halda əzələ sızıltılarının da olması təbii haldır. Əslində, bu cür bədəni oyadıb daha sonra yenidən passivləşdirilməsi orqanizm üçün ziyanlıdır. Lakin gözəl bədən quruluşuna sahib olmaq istəyənlər üçün bu ziyan elə də önəmli olmur. Uzun müddət idman edib bədən quruluşunu gözəlləşdirmək heç də asan deyil. Bunun üçün səbr və iradəsi olan insanlar, demək olar ki, aylarla çalışır. Lakin bir sıra idman hərəkətləri var ki, heç bir idman zalına getmədən, ev şəraitində də qısa müddətə nəticə əldə etmək mümkündür. Belə idman hərəkətindən biri də squatdır. Bütün dünyada məşhur olan, sadəcə 5 dəqiqə vaxt tələb edən squat asan idman kimi görünsə də, əslində olduqca çətin və bir o qədər də ağrılıdır. İdman ustası Turabi Quliyev deyir ki, squat birbaşa insanın üzdə olan əzələlərini çalışdıraraq qısa müddətdə gözəçarpan dəyişiklik yaradır. Dünyada məşhurların da ən çox müraciət etdiyi bu üsul ilə tez bir zamanda sallaq bədəni toplamaq mümkündür: "Squat çöməlmə kimi ifadə edilən hərəkət olub bədənə ən faydalı hərəkətlərdən biridir. Sadə və heç bir idman aləti tələb etmədən edilən squat sayəsində istədiyiniz bədənə sahib ola bilərsiz. Güclü ayaq və qarın əzələləri üçün nəzərdə tutulur. İki şəkildə yerinə yetirilir. Sadəcə çöməlmə hərəkətləri şəklində, ya da çöməlmə ilə ağırlıq qaldırma hərəkəti eyni vaxtda edilir". Düzgün edilən squat hərəkəti minimum 2 aya nəticəsini göstərir. İdman hər səhər acqarına edilməli, hamilə və ürəkdə problemi olan insanlar, ümumiyyətlə, bu hərəkət üçün cəhd etməməlidir. İlk baxışdan sadə görünən hərəkət əzələlərə ağır yük salır və hərəkətə başlamazdan əvvəl mütləq bədəndə hər hansı problemin olub-olmamasını bilmək lazımdır. Squat mürəkkəb fitnes növü olub eyni anda bir neçə əzələ qrupunu çalışdırır. Omba hissəni tonlaşdırmaq, bədəni gücləndirmək və kalori yandırmağa kömək edir. Ürək sağlığını da yaxşılaşdırmaq üçün tullanmaq növü məsləhət görülür. Mütəmadi olaraq etmək fiziki sağlamlığı gücləndirməyə kömək edir. Oturaq iş görənlər üçün daha rahat və edilməsi mümkün olan hərəkət hesab olunur. Bu idman hərəkətinin ziyanından danışan ustanın sözlərinə görə, bədənində olan hər hansı bir narahatçılığıa məhəl qoymadan squat etmək vəziyyəti daha da ağırlaşdırır. Squat sadə adi idman hərəkətinin yüklədiyi yükdən daha artığını yükləyir. Buna görə də, tam sağlam olmaq vacibdir: "Squat etmək kişilərdə babasil yaranmasına, qadınlarda uşaqlıq əzələlərinin yüklənməsinə səbəb olur. Buna görə də, birdən- birə 30-40 squat etmək düzgün deyil". Squat zamanı ən çox zədələnən nahiyə beldir. Bu səbəbdən squat edərkən ağırlığın belə düşməməsinə diqqət etmək lazımdır. Düzgün edilməyən squat beldə yaralanmalara, tutulmalara səbəb olar. Squat sadəcə ayaq və ya bel əzələləri üçün faydalı deyil, eyni zamanda bədəndəki bütün əzələləri işlədən bu hərəkət olduqca faydalıdır. İdman etmək insanın əzələ kütləsini möhkəmləndirir və daha baxımlı bədən quruluşu formalaşdırır. "Lakin idmanla məşğul olanların ən çox şikayətləndiyi şey əzələ yandırmaqdır. Əzələ yandırmaq insan əzələsinin əridilməsi və ya itirilməsidir. Elmi-tibbi terminologiyada əzələ yandırmaq deyə bir şey yoxdur. Müəyyən metabolik narahatlıqlar və xroniki xəstəliklər nəticəsində insanlar əzələ kütlələrini itirə bilərlər. Biz bunu əzələ yandırmaq kimi dəyərləndirir və ya adlandırırıq. Əslində isə bu, əzələ yandırmaq yox, əzələ itkisi adlanır. Hər insanın müəyyən bir gücü, qüvvəti, oynaq dayanıqlılığı, glikojen anbar qabiliyyəti (əzələ həcmi), laktik turşu dözümlülüyü və oksigenli tənəffüs tutumu var. Məşq zallarında gördükləri və 3-4 illik idman keçmişi olan yaşıdlarını qısqanıb eyni və hətta eqo təmini üçün daha yüksək ağırlıqlarla məşq edən gənclərin sonda əldə etdikləri nəticə də yalnız əzələ itkisidir". Daha güclü və baxımlı əzələlərə sahib olmaq istəyənlərin real sahib olduqları əzələ inkişaf etməməsi, lif cırılması, əzələ zədələnilməsi və bunların sonu olaraq əzələ itkisi olur. Bu səəbdən squat da daxil ediləcək idman hərəkətləri zamanı ehtiyatlı və tədbirli olmaqda fayda var.скачать dle 11.3


Загрузка...
Facebook Şərhləri
BİRQADIN Şərhləri (0)
ŞƏRH YAZ
ŞƏRHİNİZ SİZİN SİMANIZI TƏMSİL EDİR. ÖZÜNÜZƏ LAYİQ OLUN!