Qarpızın bilinməyən faydası

Qarpızın bilinməyən faydası
Xalq təbabəti
10.09.2017 14
Qarpızın vətəni Afrika olsa da, hazırda bir sıra dünya ölkələrində becərilir. Hətta bu meyvəyə olan maraq nəticəsində bir sıra ölkələrdə qarpız festivalı keçirilir. 2007-ci ildə təsdiqlənən bir qərarla iyul ayını amerikalılar "qarpız ayı" elan ediblər. Bu ay ərzində 60-dan çox festival keçirməklə onlar qarpızın satış miqdarını artırmağı hədəf seçirlər. Florida, Texas, Kaliforniya əyalətləri başda olmaqla 30 əyalətdə qarpız yetişdirən ABŞ təqdimat, marketinq fəaliyyətləri üçün Beynəlxalq Qarpızçılar Birliyi ilə qarpız marketinqi üzrə iş qurub.

Meksika və Kanadadakı istehsalçıları da fəaliyyətlərinə daxil edən ABŞ dərnəkləri qarpızın pizzadan kababa qədər bir çox yerdə istifadə edildiyini iddia edirlər. Hətta Qarpız Təqdimat Qrupunun veb-saytında qarpız kababı, qarpız şorbası, qarpızlı pizza və s. təqdim edilir. Beləliklə, bu ölkədə may ayında başlayan qarpız festivalı sentyabr ayının sonuna qədər davam edir.

Hazırda 1200 növü olan qarpızın 300 növü məhz ABŞ-da yetişir. Hətta 1998-ci ildə Ginnesin Rekordlar Kitabına düşən 119 kiloluq dünyanın ən böyük qarpızı da ABŞ-da yetişdirilib. Dünya qarpız istehsalında Çindən sonra ikinci yerdə olan Türkiyə qarpız satışında ABŞ-dan geri qalır. Bununla yanaşı, ABŞ qarpız yetişdirmədə Çin, Türkiyə, İrandan sonra 4-cü yerdədir

Tərkibindəki laykopen maddəsinin köməyi ilə xərçəng xəstəliyinin qarşısını alan qarpız ürək və böyrəklər üçün də olduqca faydalıdır.Qarpızın tərkibində olan laykopen maddəsi ürəyin funksiyasının yaxşılaşdırır, qan dövranını tənzimləyir.Qarpızın 95%-nin sudan ibarət olduğunu deyən mütəxəssislər təmizləyici xüsusiyyətə malik olan qarpızın böyrəklərin daha yaxşı işləməsinə də kömək etdiyini bildirirlər.
 Bədən orqanlarının zərərli maddələr nəticəsində sıradan çıxmasının xərçəng xətəliyini yaradan ən mühüm amillərdən olduğunu deyən həkimlər məhz qarpızın zərərli toksinlərin orqanlara yapışmasının qarşısını aldığını bildirirlər. Qida üzrə mütəxəssislərin bildirdiyinə görə, qarpız artıq çəkidən xilas olmaq üçün də əvəzsiz meyvədir. Mütəxəssislər artıq çəkidən əziyyət çəkən insanlara qarpızın xüsusilə qabığa bitişik ağımtıl hissəsini yeməyi məsləhət görürlər. Qarpızın bu "imkanlarından” faydalanmaq üçün onun yeməkdən əvvəl yeyilməsi məsləhət görülür.скачать dle 11.3


Загрузка...
Facebook Şərhləri
BİRQADIN Şərhləri (0)
ŞƏRH YAZ
ŞƏRHİNİZ SİZİN SİMANIZI TƏMSİL EDİR. ÖZÜNÜZƏ LAYİQ OLUN!