Sonsuzluq nədir?

Sonsuzluq nədir?
Xəstəliklər və müalicəsi
10.09.2017 24
Sonsuzluq- yeni qurulan ailənin qorunmasız olaraq cinsi əlaqəyə girməsi fonunda1 il keçməsinə baxmayaraq hələ uşaq olmamasıdır. Dünyada bu vəziyyətdə olan təxminən 5 milyon ailə vardır. Ancaq bu cütlərdən yalnız 10% i həkimə gedərək müalicə yollarını axtarmaqdadır. Biz bu məqalədə sonsuzluğun psixoloji təsirlərini və nəticələrini araşdıracağıq.

Kişi və qadın cinsiyyət sistemindəki problemlər:

Anormal sperma ya da anormal yumurta hüceyrənin varlığı sonsuzluğa yol aça bilər. Əgər spermatozoid həddindən artıq böyük olarsa o zaman qadındakı yumurta hüceyrəni mayalandırmayacaqdır. Bunun nəticəsində də hamiləlik baş tutmayacaqdır.

Hamiləlik üçün maneələrin olması:

Bir çox insan körpə sahibi olmaq üçün əvvəlcə çox çalışır və bunun üçün əlindən gələni edir. Ancaq bir müddətdən sonra, istədiyinə yetişə bilməyən insanın içində istək qalmır. Beləliklə, əgər cütlərdə problem yoxdursa psixoloji olaraq mənim körpəm olmayacaq duyğusu insanı üstələyir və beyindən gələn bu siqnallar sayəsində də insanda cinsi keyfiyyət aşağı düşür.

Stress

Dövrümüzün xəstəliyi stress kişilərdə spermanın keyfiyyətinə və kəmiyyətinə mənfi təsir edir. Buna görə də çalışın özünüzü stresdən uzaq tutasınız.

Depressiya

Depressiya insanda sinir sistemində və hormonlarda deformasiyaya (forma dəyişikliyi) səbəb olaraq sperma ifrazını azaldır. Qadınlarda isə aybaşını pozaraq nizamsız hala sala bilir. Buna görə də çalışın depressiyaya qapılmayasınız.

Sağlamlıq problemləri

Yüksək Arterial təzyiqə malik insanların qəbul etdikləri bəzi dərmanlar da hamilə qalmağın qarşısını ala bilər.



Sonsuzluq haqqında bilmək istədiyiniz məlumatlar



Evləndiniz və artıq bir uşağınız olsun istəyirsiniz. Halbuki bütün sınaqlarınıza baxmayaraq bir nəticə əldə edə bilmirsiniz. Bu vəziyyətdə sonsuzsunuzmu? Sonsuzluq haqqında nə bilirsiniz?

Sonsuzluğun əsas səbəbləri nələrdir?

Ailələrdə sonsuzluq kişi, qadın və ya hər ikisindəki problemlərə bağlı ola bilər. Sonsuz cütlərin 30% i kişiyə bağlı, 30% i qadına bağlı səbəblər üzündən körpə sahibi ola bilmirlər. Cütlərin 40% i isə həm kişi və həm də qadında olan problemlər üzündən körpə sahibi ola bilmirlər. Kişilərdə spermatozoidlərin sayının, hərəkətliliyin az olmasının və ya normal quruluşdakı spermatozoidlərin az olması, spermada heç spermatozoid olmaması nəticəsində sonsuzluq yarana bilir. Bundan əlavə cinsi əlaqə zamanı bacarıqsızlıq da sonsuzluq səbəbi ola bilər. Qadında isə ovulyasiyanın olmaması, endometrioz (uşaqlığa aid bir xəstəlik),uşaqlıq borularının mənfəzinin müəyyən səbəblər üzündən bağlı olması və uşaqlıqda miomaların olması sonsuzluğa səbəb ola bilər.

Sonsuzluq indi daha çoxmu yayılıb?

İndiki vaxtda evlənmə yaşı artdığı üçün və evlənən cütlər uşaq törətməyi təxirə saldıqları üçün sonsuzluq daha sıx rast gəlinir. Bundan əlavə zəmanəmizdə infeksiyaların artması uşaqlıq borularının mənfəzinin bağlanmasına səbəb olaraq sonsuzluğa gətirib çıxara bilir. Son zamanlar aparılan tədqiqatlar hər altı ailədən birində sonsuzluq problemi olduğunu göstərmişdir.

Köklük sonsuzluğa səbəb olurmu?

Xeyr, bir çox kök qadın sonsuz deyil. Lakin, köklük polikistoz xəstəliyi və ya hormon pozğunluqlarının nəticəsidirsə sonsuzluq problemləri yaşana bilər.

Hamiləliyin qarşısını alan dərmanları istifadə edən qadınlar sonradan hamilə qalmaqda çətinlik çəkə bilərmi?

Hamilə olmağın qarşısını alan dərmanları istifadə etməni buraxdıqdan sonra hamiləliyin reallaşa bilməsi üçün bir neçə ay keçə bilər. Xüsusilə yaşı çox olan qadınlarda bu vəziyyət daha diqqətə çarpandır. Bu təsir keçicidir.

Uşaqlıqdaxili spiral istifadə edənlərin daha sonra hamilə qalmaları çətindirmi?

Ümumiyyətlə bir problem olmaz. Lakin, uşaqlıq içi vasitə istifadə etmək infeksiyaya gətirib çıxararaq uşaqlıq borularının mənfəzinin tutulmasına səbəb ola bilər. Uşaqlıqdaxili vasitə istifadə edərkən artan qanaxma və ya ağrı bir problem olduğunu göstərir.

Stress sonsuzluğa səbəb ola bilərmi?

Stress ümumiyyətlə sonsuzluğun nəticəsidir. Lakin çox ağır stress ovulyasiyada problemlərə və cinsi əlaqənin azalmasına səbəb ola bilər.

Sonsuzluqdan müalicə olunan cütlərin hamilə qalma şansı nə qədərdir?

Bu cütün probleminə bağlıdır. Bəzi səbəblər çox asan müalicə edilərkən, digərlərində inkişaf etmiş texnikaların istifadə edilməsi və uzun zaman lazım ola bilər.

Cütlər sonsuzluq səbəbi ilə həkimə nə zaman müraciət etməlidirlər?

Sağlam cütlərin hər ay hamilə qalma şansı 20% dir. Cütlərin yarısından çoxu 6 ay içində hamiləlik əldə edir. Ailə qurduqdan sonra 18 ay nizamlı cinsi əlaqədə olmanıza baxmayaraq hamiləlik əldə edə bilmirsinizsə, həkimə müraciət etməniz lazımdır.

Bu qədər uzun müddət gözlənməsi lazım olmayan cütlər varmı?

Əgər cütlər hər hansı bir problemdən şübhələnirsə, məsələn qadının aybaşısı çox nizamsız və ya yoxsa, infeksiya təhlükəsi və ya aybaşı qanaxmaları və cinsi əlaqə zamanı şiddətli ağrı şikayətlənməsi varsa, kişilərdə aşağı enməmiş xayalar (xayalar uşaq doğulanda aşağıda xayalıq kisəsində yerləşir, ancaq ana bətnində çanaqda yerləşirlər və bəzən uşaq doğulduqdan sonra da xayalar çanaqda qalır və xayalıq kisəsi boş olur), xayalarda keçirilmiş cərrahi əməliyyatlar və ya xayalara zərbə halları varsa həkimə dərhal müraciət etmək lazımdır. Həkimə müraciət etməsi lazım olan digər qrup qadınlar və kişilər yaşı 35dən çox olan və hamilə qalmaq istəyən qadınlardır. Hamilə qala bilmə şansı yaş artdıqca azaldığı üçün bu cütlər vaxt itirməməlidirlər.

Cütlər həkimə birlikdə getməlidirlərmi?

Uşaq sahibi ola bilməmənizə səbəb olan problem qadında, kişidə və ya hər iki yoldaşda birdən ola biləcəyi üçün həkimə mütləq cütlərin birlikdə müraciət etmələri lazımdır.

Həkim nə kimi suallar verə bilər?

Qadına yönəldiləcək suallar- Qadının yaşı, nə qədər zamandır uşaq istəndiyi, əvvəllər bir hamiləliyin olub olmadığı, aybaşı dövrlərinin nizamı, qanaxmanın miqdarı, müddəti, ağrı və digər şikayətlənmələrin olub olmadığı qadına yönəldiləcək suallardır. Bundan əlavə vaginal (uşaqlıq yolu) axıntı, cinsi əlaqədə ağrı, keçirilmiş infeksiyalar, keçirilmiş cərrahi əməliyyatlar haqqında məlumat istənilə bilər.

Kişiyə yönəldiləcək suallar-Kişinin ümumi sağlamlıq vəziyyəti, keçirilmiş əhəmiyyətli xəstəlik və cərrahi əməliyyatlar, parotit infeksiyasını (el arasında "svinka"deyilir) keçirdisə hansı yaşda keçirdiyi, enməmiş xayalar və ya xayalara zərbə hallarının olub olmadığı, erkən boşalma və impotensiya (bacarıqsızlıq) kimi cinsi funksiya pozğunluqlarının varlığı ilə bağlı suallar soruşulacaq.



Müayinə olmaq lazımdırmı?



Fiziki, hormonal və USM müayinələr sonsuzluq araşdırmalarının ən əhəmiyyətli pillələrindən biridir. Müayinəyə başlamazdan əvvəl tam anamnestik məlumat toplanmalıdır (nə vaxt ailə qurulduğu, cinsi əlaqələrin sayı, qadında aybaşının normal gedişi, kişidə cinsi qabiliyyət vəs.) Qadının ginekoloji müayinəsi, USM araşdırmasının edilməsi, uşaqlıq ağzından (uşaqlıq boynu) nümunə götürülərək patoloji araşdırma edilməsi və mikrobioloji araşdırmalar, hormonal müayinələr üçün nümunə götürülməsi lazımdır. Kişinin isə xayaları muayinə edilərək lazım olduğunda USM araşdırma aparılır, prostat vəzi, cinsi qabiliyyətlik, spermanın keyfiyyət və kəmiyyəti, spermatozoidlərin hərkətlilik qabiliyyəti və onların sayı vəs. kimi müayinələr aparılmalıdır.скачать dle 11.3


Загрузка...
Facebook Şərhləri
BİRQADIN Şərhləri (0)
ŞƏRH YAZ
ŞƏRHİNİZ SİZİN SİMANIZI TƏMSİL EDİR. ÖZÜNÜZƏ LAYİQ OLUN!