“Bir qadının Bakıda gecə barda nə işi var?” FOTOLAR

“Bir qadının Bakıda gecə barda nə işi var?” FOTOLAR
Xəbərlər
10.09.2017 27
"Gözəl qadınlar" layihəsinin bu günki qonağı "Space" televiziyasının
cazibədar aparıcısı Şəbnəm Hümbətovadır. İlk baxışda soyuq qadın
təəssürratı yatarsa da, şən, gülərüz və mehriban xanımdır. Suallarımızı
da böyük həvəslə cavablandırdı.
- Fotossesiya zamanı kompleksli olduğunuzu hiss elədim. Aparıcılıq və kompleks bir-birinə zidd deyil?
-
Əla göründüyümü iddia edə bilmərəm, amma öz görkəmimə qarşı kompleksli
deyiləm.Verilişi aparanda ancaq bir nəfərin çəkdiyini fikirləşirəm.
Ekrandan məni nə qədər adamın izlədiyini fikirləşəndə istər-istəməz
kompleksə düşürəm, sıxılıram.
- Sizə baxanda soyuq və qapalı qadın obrazı yaranır.
- Deməzdim, ünsiyyəti sevən insanam. Hər kəslə ünsiyyət qurmağa can atıram.
- Xoşlamadığınız insanlarla necə?
-
Məncə, hər bir insandan nə isə öyrənmək olar, hətta xoşlamadığımız
insanlardan da. Ətrafımızda o qədər maraqlı insan var ki, qapalı
insanları qəbul edə bilmirəm. Ən çox qapalı insanlarla ünsiyyət qurmağa
çalışıram.
- Onlarla söhbət etmək maraqlıdır?
-
Qapalı olduqlarının səbəblərini araşdırmağa çalışıram. Həyatı yox,
psixoloji problemlərini, gərginliklərinin səbəblərini aydınlaşdırıram.
Sırf xarakter baxımdan maraqlıdır. Bir az eqoist səslənsə də, bu məsələ
özümlə bağlıdır. Söhbətin məqsədi onlardan nə isə götürməkdir,
bilmədiyim məqamlar haqqında məlumat toplamaqdır. Eqoizmi həmişə özümdə
öldürürəm. Yaşından, vəzifəsindən asılı olmayaraq, eqoizm çox pis
xüsusiyyətdir .
"Söhbət etməyə insan tapmaq çox önəmlidir”
- Qapalı insanların həyatı çətin olur. Çünki bu xüsusiyyət onların karyerasına, uğur əldə etməsinə imkan vermir.
-
Əgər işini sevirsənsə, bacarıqlı və məsuliyyətlisənsə, karyeranda uğur
əldə edəcəksən. Bu xüsusiyyət ancaq insanlarla münasibətlərə təsir edə
bilər. Məsələn, sıxıntıları olanda onu bölüşməyə, dərdləşməyə ətrafında
insan tapa bilməzsən. Söhbət etməyə insan tapmaq çox önəmlidir.
- Siz tapa bilirsiniz?
-
Ətrafımda istənilən vaxt söhbət edə biləcəyim yetəri qədər insan var.
Hər birindən dərdimə qulaq asmasını, məni dinləməsini istəyə bilərəm.
- Hər dərdi də danışmaq olmur. İnsanlar belə şeylərdən çox istifadə edirlər.
-
Elə bir böyük sirrim və dərdim yoxdur. Olsa da, demərəm. Çünki həmin
anda həyatım o insanın iki dodağının arasında olar. Kimlə və nəyi
paylaşdığıma fikir verirəm. Ailəmlə müzakirə elədiyim, paylaşdığım
məsələləri dostlarıma söyləmirəm. Yaxud da əksinə.
- Kişilər, yoxsa qadınlar daha etibarlı sirdaşdır?
-
Kişilər sirr saxlamağı daha yaxşı bacarır. Qadınların sirr saxlamaq
bacarığı qəlizdir. Qadınlar başqalarının sirlərini bilərəkdən və
istəyərəkdən açmırlar. "Dostumun da dostu var” məsəli qadınlara daha
yaxındır.
- Bəs siz?
- Yaxşı sirdaşam.

- Çox əminliklə söylədiniz.


- Bunu dostlarım da təsdiq edə bilər. Məsələn, 3 nəfər dostuqsa, birinin söylədiyi sirri digərinə çatdırmıram.
- Bu cür dostluq eləmək və münasibətlərdə balansı saxlamaq asan deyil.
- Sirri təkcə mənə deyirsə, deməli, belə lazımdır. Məsləhət bilsəydi, özü deyərdi.
- Ciddi xanımsınız. Maraqlıdır, necə əylənirsiniz?
-
Dostlarımla əylənməyi, gəzməyi sevirəm, amma səssiz ortamlarda. İş
rejimi çox gərgindir, bunu televiziyada işləyənlər daha yaxşı başa
düşür. Gündə 2 dəfə canlı yayımda veriliş aparmaq və bunun məsuliyyəti
çox ağırdır. Keçirdiyin gərginlikdən sonra səs-küylü məkana düşmək beyin
gücünün qaldıra biləcəyi iş deyil.
- İşiniz gəncliyinizi istədiyiniz kimi yaşamağa imkan verir?
-
Televiziya mənə stimul verir. Gənclik təkcə əylənməkdən və deyib
gülməkdən ibarət deyil, gələcək üçün yatırım deməkdir. Elə bil ki,
gələcəkdə quracağın evin təməlini qoyursan və yavaş-yavaş tikməyə
başlayırsan. Gənc insanlarda nə uşaq vaxtı, nə də ki, qocalıq vaxtı
olmayan güc, enerji var. Var olanı da xərcləmək lazımdır.
- Gözəlliyinizə çox vaxt ayırırsınız?
-
Doğurdan da heç nə etmirəm. Nailə İslamzadəni həm aparıcılığını, həm də
xanım-xatınlığını çox bəyənirəm. Özünə qulluq etməsinə həmişə həsəd
aparmışam.
- Kişilər çox özünə baxan qadınlardan daha tez bezirlər.
- Bəli. Daha tez qocalmağıma səbəb olsa da, xüsusi nələrəsə əməl etmirəm.
- Qocalmaq sizi qorxutmur ki?
- Əsla. Hər yaşın öz gözəlliyi var.
- Çox zərifsiniz, pəhrizin nəticəsidir?
-
Nə idman edir, nə də pəhriz saxlayıram, hamıdan da çox yeyirəm. Bu,
çoxlarını qıcıqlandırsa da, genlə gələn bir şeydir. Daimi hərəkətdə
oluram, hərəkət də idmanın bir növüdür.
"Tamam fərqli hissdir, əsl dopinq budur”
- Şopinq dopinqdir?
-
İstənilən sıxıntıdan xilas olmaq üçün şopinq ən optimal çıxış yoludur.
Lakin israfa qarşıyam. O pulla ehtiyacı olanlara, xəstə uşaqlara kömək
etməyi üstün tuturam. Şəxsən tək kömək etmirəm. "Uşaqların Xoşbəxt
Gələcəyi Naminə" adlı fond var. Bu fond, indiyənə qədər 700-dən çox
uşağın əməliyyatına kömək edib yeni həyat veriblər. Uşaqları çox
sevirəm, onların dırnağına belə zərər gəlməsini istəmərəm. Bu fonda kim
istəsə qoşula bilər. Əlimizdən gələn köməyi edirik. Bir uşağa yardım
etmək və onun üzündəki təbəssümü görmək dünyalara bərabərdir. Yaşamaq
həvəsin artır, insan özü-özü ilə qürur duyur. Məncə, bunu hər kəs
dadmalıdır. Tamam fərqli hissdir, əsl dopinq budur.
"Əgər saçlarınızın yumşaq olmasını istəyirsinizsə, gündə heç olmasa bir dəfə körpənin onunla oymasına izin verin”
- Başqa ölkələrdə övladlığa uşaq götürmək normal hesab olunur. Bizdə isə bu hadisəyə başqa cür yanaşırlar.
-
Təəssüflər olsun ki... Ən böyük arzum kimsəsiz bir uşağa isti yuva bəxş
etməkdir. Odri Heprbrun və Ancelina Coli dünyanın ən gözəl xanımları
olsalar da, yardımsevərliyi ilə də məşhurdurlar. Onların gözəlliyi
xarici görünüşlərində yox, daxili aləmlərində gizlənib. Odri xanım
həmişə deyərdi ki, "Əgər saçlarınızın yumşaq olmasını istəyirsinizsə,
gündə heç olmasa bir dəfə körpənin onunla oymasına izin verin”. Dərinə
ən bahalı kremləri, maskaları vur, əgər gözəllik daxildən
qaynaqlanmırsa, o, sənin üzündə onsuz da bəlli olmayacaq. Ənlik, kirşan,
tuş müəyyən rol oynaya bilər. Maraqlısı odur ki, bu qadınların hər
ikisi xərçəng xəstəliyinə tutulublar. Xərçəng xəstəliyinin ən birinci
səbəbi isə sıxıntıdır. Bunlar hamısı ondan irəli gəlir ki, öz
gözəlliklərinə önəm vermirlər, onlar daxili aləmlərini
zənginləşdirirlər.
- Xəyalınızdakı kişi obrazı necədir?
-
Hündür boy, qamətli, alicənab, ağır təbiətli olması çox önəmlidir. Amma
insanların xəyalları ilə reallıqlar çox vaxt uyğun gəlmir. Fikrində
tutduğunun tam əski qarşına çıxır və onunla ailə qurursan.
- Namizəd var?
- Hələ ki, yoxdur.
- Jurnalist xanımların çoxu niyə gec ailə qurur?
-
Cəmiyyətə nümunə ola biləcək ailəli jurnalist xanımlar da çoxdur.
Məncə, işindən dolayı, özlərinə çox az vaxt ayırırlar. Jurnalistika çox
əmək tələb edən sənətdir, ətrafa baxmağa, sənə diqqəti olanları görməyə
vaxt tələb olunur.
- Özünüzə haqsızlıq etmirsiniz?
-
Ola bilər. Ailə iki insanın izdivacı, sənəd üzərində imza atmaq demək
deyil, ailə çox məsuliyyətli bir şeydir. Tərbiyəli layiqli şəxsiyyət
yetişdirmək, cəmiyyətə bəxş etmək indiki dövrdə çətindir. Hələ ki, onu
daşımağa hazır deyiləm.
- Gənc xanımın tək olması ədalətsizlik deyil?
-
Yaşım elə çox deyil ki, bunu özümə dərd edim. Sevdiyin insan deyəndə,
niyə həmişə əks cinsin nümayəndəsi nəzərdə tutulur? Bu düzgün deyil.
- Kişi ilə qadın bir-biri üçün yaradılıb axı.
-
Razıyam, amma sevgi təkcə bunun üzərində qurulmayıb. Mənim gözəl ailəm,
dostlarım, yaxınlarım var. Eyni zamanda hər kəsin vaxtında ailə
qurmasının tərəfdarıyam.

- Sizi ağladan kişi olub?
- Hə, rəhbərlərim. (Gülür) Sulu göz olduğum üçün danlayanda, ağlayıram.
- Səyahət edirsiniz?
-
Parisi, İstanbulu çox sevirəm. Bu şəhərlərin ruhu başqadır... Yunan
adalarına getməyi çox arzuulayıram. Gəzmək insana çox şey öyrədir.
Hansısa şəhərə gedib şəkil çəkdirmək yox, onun haqqında məlumat toplamaq
lazımdır.
- Əsl qadın necə olmalıdır?
-
Oturuşunda, duruşunda çox diqqətli olmalıdır. Qəribə səslənsə də,
gülüşünə də fikir verməlidir. Xanımlar istənilən məkanda diqqət
mərkəzində olurlar, buna görə də nə danışdıqlarına, mimikalarına,
jestlərinə fikir verməlidilər.
"Belə baxanda bir xanımın gecə barda nə işi var?”
- Niyə belə çox mühafizəkarsınız?
-
Bəhram Bağırzadə bir dəfə belə söz demişdi: "Qadın dünyaya gələndə
artıq bədbəxtdir. Çünki qadın dünyaya gələndə onun bütün azadlıqları
əlindən alınır". Bunu da analiz etmək lazımdır, hansı azadlıqlar əlindən
alınır? "Gecə bara getmək olmaz!” Belə baxanda bir xanımın gecə barda
nə işi var? Xaricdə normal qarşılanır, bizdə belə deyil.
- Amma bara getməyə qoymayan kişilər xanımlarını elə oradakı qadınlarla aldadırlar.
-
Elə ona görə də icazə vermirlər. Hamı öz əməlinə, düşüncə tərzinə görə
davranır. Cəmiyyətdə öndə olan qadınları pisləyib, yalan, şər-böhtan
atırsa, o, insanın necə olduğundan xəbər verir. Etiraza səbəb olsa da,
hər kəs özünə nəzarət etsə, cəmiyyətdə heç bir problem olmaz.
- Hamı da eyni cür ola bilməz.
- Allah təki yaxşı insanlarla qarşılaşdırsın...
- Allahla insan arasında vasitəyə ehtiyac var?
-
Var. Bəziləri kortəbii fikirləşir, yaşayır. Dünyaya niyə gəldiyinin,
niyə yaşadığının səbəblərini və hara getdiyini bilmir. Həmin insanlara
düzgün yol göstərməkdən ötrü vasitəçiyə ehtiyac var.
- Bürclərlə maraqlanırsınız?
-
Fala inanmıram. Bu, Allaha şərik qoşmaq kimi bir şeydir. Bürcləri çox
oxumasam da, inanıram. Hər bürcün özünəməxsus xarakteri olur.
//Publika


 
 
 
 скачать dle 11.3


Загрузка...
Facebook Şərhləri
BİRQADIN Şərhləri (0)
ŞƏRH YAZ
ŞƏRHİNİZ SİZİN SİMANIZI TƏMSİL EDİR. ÖZÜNÜZƏ LAYİQ OLUN!