Gənclərdən möhtəşəm layihə: "Birlik üçün oxu" - video

Gənclərdən möhtəşəm layihə:
Xəbərlər
10.09.2017 18
"Birlik üçün oxu" layihəsi bu dəfə unudulmaz bəstəkar mahnılarımızdan "Nazəndə sevgilim" və çox sevilən "Girdim yarın baxçasına" adlı xalq mahnımızı yeni aranjmanda təqdim edir.
Qadınlar.biz xəbər verir ki, layihənin ilk təqdim etdiyi "Ay Laçın” videosundan fərqli olaraq, iştirakçıların sayı 30-dan 80-ə alətlərin sayı 11-dən 30 fərqli alətə qalxıb. İştirakçıların seçimində layihə koordinatorlarına xalq artisti Flora Kərimova və əməkdar artistləri Azərin, Aygün Səmədzadə dəstək verib.
Birinci layihədən tanınan Ülkər (fleyta) və Natiq (skripka) Hüsüyevlər bu dəfəki layihədə ailə kimi iştirak edirlər. Skripka ifaçısı Könül xanım və 10 yaşlı oğlu Nicat Bəkirov öz balabanı ilə, davul ifaçısı Azər bəy  və 7 yaşlı  oğlu Orxan Nəzərov öz nağarası ilə layihəyə xüsusi rəng qatıblar.  Balaca Orxan həm də layihənin ən kiçik yaşlı iştirakçısıdır.
Layihənin Bakı, İstanbul, Ankara və Sofiyada çəkilişləri olub.  Bu yoxlamadan sonra layihənin növbəti kliplərinə  dünyanın müxtəlif ölkələrində yaşayan həmyerlilərimiz də qoşula biləcəklər.
"Birlik üçün oxu" layihəsi ABŞ-da reallaşdırılmış və sonradan dünyada məşhurlaşmış "Playing for Change" (Dəyişiklik üçün çal) layihəsindən və Türkiyədə reallaşdırılmış "Doğa için çal" (Təbiət üçün çal) layihələrindən ilhamlanıb. Layihənin iştirakçıları inanırlar ki, dini, iqtisadi, siyasi, ideloloji fərqliliklərindən asılı olmayaraq, musiqi vasitəsi ilə insanları birləşdirmək, aradakı məsafələri kiçiltmək mümkündür.
Layihəni  Müsbət Dəyişiklik Gənclər Hərəkatı könüllü dəstəyi ilə reallaşdırır.

"Birlik üçün oxu" layihəsinin ikinci klipini buradan izləyə bilərsiniz:
 

 
 скачать dle 11.3


Загрузка...
Facebook Şərhləri
BİRQADIN Şərhləri (0)
ŞƏRH YAZ
ŞƏRHİNİZ SİZİN SİMANIZI TƏMSİL EDİR. ÖZÜNÜZƏ LAYİQ OLUN!